MZP in Mizoram Governor tur ruat dan Mizo mipui hmuhsitna leh thamlohna ah an ngai.

/
MZP chuan sorkar laipui in Mizoram Governor a ruat dan chu Central sorkar in Mizo mipuite a hmuhsitna leh a thamlohna ah an ngai tih sawiin, Prime Minister hnenah ziaka thlen an tum thu an sawi.
MZP hian nimin Aug. 25, 2014 khan Aizawl-a MZP Pisa pui-ah Meeting neiin Mizoram Governor ruat chungchang hi an sawiho a. MZP chuan India Sorkar laipuiin Mizoram Governor a ruat dan chungchang leh Central Sorkar tharin hun reilote chhunga Mizoram Governor-te a siksawi chiam mai chu \halo a ti hle tih an sawi a. Central Sorkarin an Governor ngaimawh leh bang tura a duhte sawn nana kan ram a hmang hi a ngaithiam lo hle tih sawiin, ‘Kan ram hi inhremna hmun ang maia a chhuah hi pawi kan ti hle,’ an ti. Hemi chungchang ah hian ngawih ral mai an tumlo tih pawh sawiin MZP chuan ‘Central Sorkar hian 1987 a\anga State puitling ni ve tawh hi inhremna hmun ang chauha ram rethei ni tura min enkawl hi inenlet se tih hi MZP duh dan a ni,’ an ti a, ‘Engtikah nge India ram State dangte anga changkang leh hmasawn ni turin min enkawl ve dawn?’ tih chu MZP zawhna a nih thu leh hemi chungchang hi Prime Minister hnenah ziaka an thlen tur thu an sawi bawk.
    Hetihlai hian ZNP President Pu Lalduhoma pawhin sorkar laipuiin Mizoram Governor tur a dah leh siksawi vel dan chu Mizo mipui hmuhsitna anga ngaihtheih a ni chu a lawmawm loh hle tih nimin Aug. 25, 2014-a Kolasib-a ZNP Block Workers Meet a hmanpuina ah a sawi a. He hunah hian Pu Lalduhoma chuan “Mizoram Governor-a awm chu in hremna, indahbona, duhloh dahna hmun anga ngaihtheih tura Mizoram min hmang hi a lawmawm loh hle a. Mizo mipui hmuhsitna anga ngaihtheih tura sorkar laipuiin vawi khat mai pawh ni lo a ti nawn fo hi a lawmawmloh leh zual a ni” a ti bawk. Tarlan tawh angin Mizoram Governor atan hian sorkar laipui chuan Inrinni kalta khan Maharastra Governor nilai K. Sankaranarayanan chu a ruat a, amaherawh chu Mizoram a sawn a nihna chu inhremna ah ngaiin a hna thar hi zawm lova ban a tum thu a sawi thung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »