Mizoram-ah CTS hman diklohna a hluar hle niin sawi.

Tlangram leh hmun kilkhawr zawka thilsiamna hmun te \anpuina tura Central Sorkar in kum 1971-a a duan, Central Transport Subsidy (CTS) chu Mizoram-ah hman dikloh a hluar hle.

Kum 2010 leh 2013 inkara Aizawl, Lunglei leh Saiha District-a Central Transport Subsidy dawngtute chu Comptroller and Auditor General of India (CAG) chuan a endik a, hetah hian 2010-12 chhunga Subsidy dawngtu Industry 93 zinga 39 te chuan Subsidy an dawn veleh an Industry an khar nghal tih a hmuchhuak a, hetianga Central Transport Subsidy diklo taka dawngtu Industry 39 te sum dawn hi Rs. 100,54,000/- zet a ni. CAG in a enfiah Subsidy an hmuh hnua a tak hmuh tur awm zui ta lo Industry te hi Aizawl-ah 14, Lunglei-ah 21 leh Saiha-ah 4 a ni. Mizoram bikah chuan Industry-a hman tur bungraw sawngbawl loh chawkluhna senso zawng zawng a\anga zaa 90 chu hmuhlet theih a ni a, Industry din anih a\anga kum 5 chhungin Subsidy hi dil theih a ni. He scheme hi Ministry of Commerce and Industry hnuaia Department of Industrial Policy Promotion in a enkawl a ni a, State Sorkar chuan State Level Committee dinin Subsidy dilna te hi a enfiah tur a ni a, Dan in a phut angin State Level Committee hian Subsidy dawngtute hnathawh dan hi a enfiah zui ngailo tih CAG Report chuan a tarlang bawk.