E. Lungdar-Sailulak kawng sawihona nei

Tuichangral Zirlai Pawl (TZP) hmalakna in nimin khan East Lungdar leh Sailulak inkar kawng siam\hat hna chak zawka thawh dan tur sawihona neih a ni.

He sawi-hona hun hi East Lungdar-a SSA BRC Hall-ah neih niin bialtu MLA, Pi Vanlalawmpuii Chawngthu leh khaw hrang hranga VC te; East Lungdar, Leng, Sailulak (LLS) Road Action Committee leh NGO hrang hrang hruaitu bakah Contractor leh PWD SE (Eastern Circle), EE leh SDO leh BDO East Lungdar te an tel a. He hunah hian East Lungdar-Sailulak Kawng PMGSY hmanga kawng blacktop chungchang sawiho niin, Contractor chuan he hna an thawh chak theihloh chhan leh theihtawp chhuah an inhuam thu a sawi a, chak zawk a hna thawh anih theih nan a theih-tawp chhuah ho turin inremna an siam a ni a. Hnathawh hun (Working Season) a nih velah hna hi a ranglama thawk \an turin Department hotute chuan chahin, \ha tak leh chak taka hnathawh anih theih nan theihtawp a hmalak an tum thu MLA leh Department lam hotute chuan an sawi a, TCZP leh VC, NGO hruaitute chuan kawng \ha neih an nghah-hlelh tawh avangin \ha tak leh chak taka hnathawh anih theih nan hmalak zel an tum thu leh hnathawktu te pawh a \ulna apiangah thawhpui an inhuam thu an sawi bawk.