Latest News

Khawpuia miretheite chawikanna tur RAY chungchang zirhona Serchhip-ah neih a ni.

Sorkar laipui in khawpuia miretheite chawikanna atana ruahmanna a siam, Rajiv Awas Yojana (RAY) chu Serchhip-ah pawh kalpui tum niin he ruahmanna zirhona hi nimin Aug. 26, 2014 khan Serchhip-ah neih a ni.
Serchhip khawpui chhunga VC, YMA leh tualchhung chanchinbu mite tana RAY chungchang zirhona Serchhip DC’s Conference Hall-a neih hi District Bawrhsap, Pi Juhi Mukherjee, IAS chuan hmanpuiin RAY chu mirethei leh chanhai ten awlsam zawka an nitin mamawh Tui, kawlphetha leh thildang te an lo neih ve theih nana duan a ni tih sawiin, tun dinhmun ah Serchhip chu khawpui lian tak a nih loh avangin khawpui lian Delhi leh Mumbai ten harsatna an tawh ang chu a la tawklo tih a sawi a. Amaherawh chu khawpui \hanglai mek, mi tam tak la rawn pemluhna tur a nih avangin heng harsatna te hi kan la tawh theih thu a sawi a. Mizoram sorkar chuan miretheite chawikanna leh khawpui \hang chho mek zel atana ruahmanna \ha neih hi a tih tur ah a ngai tlat tih sawiin, mipui vantlang leh ram \han chhoh zelna atan ruahmanna felfai tak neih a \ul thu a sawi a. Ram leilung kan hman danah pawh ruahmanna felfai kan mamawh thu leh ram ruak kan hman \angkai dan turah pawh fing taka ruahmanna neih a \ul thu sawiin, sorkar pawhin inrawntlanna tel lova mahni thu thu a ruahmanna lo siam ve ngawt chu a duhloh thu a sawi a. Tlangram-a cheng, Mizoram State te ang phei chuan enkawlna \ha bik tak kan mamawh thu a sawi bawk.
    RAY chungchang zirhona hun hi SJSRY-a District Project Officer, Pu ST. Lalhmingmawia, DLAO chuan kaihruaiin RAY chu khawpuia Slum Area tihbona tur leh Slum Area siam lova khawpui dinna tur bakah Slum Area awmlohna ah pawh mirethei te chawikanna tur a nih thu a sawi bawk. He hunah hian UD&PA Department a\anga mithiam lokal ten RAY kalphung leh hma an lak dan tur hrang hrang kalkhawmte hi an zirtir a, RAY hnuaiah hian Mizoram-ah chuan Slum Pocket siam tur a nih thu leh pocket khat ah a tlem berah chhungkaw 15 tal an awm a \ul thu te, he Scheme hmang hian ‘Slum Free India’ siam tum a nih thu leh he Mission hi kum 2013-2022 chhunga kalpui tur a nih thu te an sawi a. Kalkhawm ten hriatfiah loh an nei te inhrilhfiahna hun hman a nih bakah VC tina Slum Pocket tur rin chhin nghal a ni bawk a ni.

Comments

Popular News (Last 30 Days)