Quarry-a thawkte hnenah Safety Helmet 226 sem a ni.

Mizoram Building and Other Construction Workers Welfare Board hmalakna in nimin July 15, 2014 khan Hlimen leh Melthum-a quarry hnathawktute hnenah Safety Helmet 226 sem a ni a, Central YMA hnenah Disaster Volunteer te hman tur Helmet 30 pek a ni bawk.
Hlimen leh Melthum quarry-a hnathawk te hman tur Safety Helmet semna hun hi Labour, Employment & Industrial Training (LE&IT) Minister Pu Lalrinmawia Ralte chuan hmanpuiin Mizoram Building & Other Construction Workers Welfare Board kaltlangin chetsual mai theihna hmuna thawkte ham\hatna tur sorkar chuan a ngaihtuahsak thu leh Safety Helmet pawh hi lung in a tlak mai hlauhawmna hmuna thawk quarry workers te him zawkna ngaihtuaha sem a nih thu sawiin, Mizoram-ah Construction Workers, quarry a thawkte leh chetsual palh theihna hmuna thawk mi tam tak an awm laia tun dinhmunah MB&OC Welfare Board-a inziaklut mi 25,000 vel chauh an la awm thu a sawi.
    MB&OC Welfare Board hnuaiah hian Lungrem, Leirawhchan siam, Thirchher, Rawnghnawih, Fitter, Plumber, Thingzaina, Balu leh Lungla, Quarry a Lungla leh hnathawk dang, Electrician, Cement hna leh thir siama inhlawhfa, kawng laia inhlawh, Chinai siamna a inhlawh, Thirchar a inhlawh te a huam a. India khua leh tui dik tak kum 18-60 inkar tan Registration Fee Rs. 25/- leh thlatin a tih nun nan Rs.10/- pe in a inziahluh theih a ni. Thihna leh vanduaina chungchangah te, damloh leh chetsual tawh palhah te leh hnathawhna hmuna chetsual avanga ramtuileilo awm te tan chhawmdawlna sum a pe \hin a ni.


  1. Some us know all relating to the compelling medium you present powerful steps on this blog and therefore strongly encourage contribution from other ones on this subject while our own child is truly discovering a great deal. Have fun with the remaining portion of the year.
    nebosh course in chennai


Post a comment

Chhiar Hlawhte