BDFM hel nia hriat mi 4 Mizoram Police ten an man.

Mizoram Police te chuan tun thla ni 12 zan khan Silchar-ah Tuikuk hel, Bru Democratic Front of Mizoram (BDFM) mi nia hriat mi 4 an man.
Mizoram Police thuchhuah in a tarlan danin tun thla ni 12 (Inrinni) zan dar 8:30 vel khan Bani Hotel, Silchar-ah Mizoram Police (CID (SB) Operation Team) te chuan heng mi 4 te hi manin heng mite hi Mizoram chhunga rukbo (Kidnap) case hrang hrang a inhnamhnawih leh Mamit District chhung khaw hrang hrang VC te vauna lehkha thawn \hin leh an hnen a pawisa tihluihna a khawn \hin te zing ami an ni. Heng an mi man te hi Thlamuana@Petoram (36), Naisingpara (Thaidawr, Mamit District-a awm \hin), Chhandama@Sukla (21), Naisingpara (Darlak, Mamit District-a awm \hin), Flowera@EndroMsha (23), Naisingpara (Bethani, Kolasib District-a awm \hin) leh Johna@Punojoy (21), Naisingpara (Dinthar Bethani, Mamit District-a awm \hin) nia tarlan a ni bawk. Heng Bru Hel nia hriat an man te hi Mamit Police Station leh West Phaileng Police Station-a thubuai hrang hrang nei te nia hriat an ni a, Silchar-a man an nih hnuah thu zawhfiah turin Aizawl Police Station-ah lak niin nimin July 15, 2014 khan Central Jail ah dahluh an ni.

Latest News

Chief Minister hovin Council of Minister \hukhawm

Chief Minister, Lal Thanhawla hovin Council of Minister te chu niminpiah Chief Secretary’s Conference Room-ah \hukhawmin Department 9 a\an...

Popular News