Latest News

Aizawl-a Vanapa Hall kawt-ah Vanapa Lim dah a ni.

Aizawl-a Vanapa Hall kawt-a Vanapa lim hun chu nimin July 2, 2014 khan Art & Culture Minister Pu R.Romawia chuan a khuhna hawngin mipuite hmuh theih turin a pholang. Vanapa lim hi Art & Culture Department hmalakna a siam niin lim siamtu hi Mizo zinga Master of Fine Arts (Sculpture) hmasa ber, James Khamliansawma siam a ni. Vanapa Lim siamna atan hian Art & Culture Department chuan sorkar kum 2012-2013 chhung khan Heritage Conservation hnuaiah 13th Finance Commission a\anga sum an hmuh a\angin cheng nuai 9.5 an dah a. Vanapa lim din chungchang zau zawka ngaihtuah turin member 7 awmna Vanapa Lim Committee chu April 2013 khan an din a. Vanapa lim siam tur chuan Vanapa lem ziahsa neih a \ul avangin Vanapa lem inziahsiak an buatsaih a, hemi atan hian Vanapa thlahte thlalak awm thei ang ang te an khawn khawm a. Vanapa lem inziahsiakna an buatsaih ah lemziak mi 24 zing a\angin Tuidam naupang K. Lalrohlua lem ziah chu a \ha ber ah thlangin he lem entawn hian Vanapa lim hi siam a ni.
    Vanapa lim siam tur hian Pu James Khamliansawma chuan a zirna hmun Santiniketan chu nikum October khan pan thla in kumin April khan a siam hna chu a zo fel thei a. Vanapa lim hi feet 5 leh inches 6 vel sang niin dar pawlh dal chi khat, Bronze Metal tih hmanga siam a ni a, a siam nan hian Bronze Metal kg 250 vel hman niin a siamna senso hi cheng nuai 9.5 vel a ni. Bronze metal ti tuia luan tir nan hian lungalhthei quintal 9 leh thingtuah quintal 75 vel hman a ni. Pu C. Lalaudinga ziah ‘Vanapa (Thangzachhinga) Chanchin leh a Thlan’ tih a tarlan dan chuan Vanapa hming hi Thanzachhinga niin kum 1790 vel khan a piang a, kum 82 anih laiin kum 1871 khan Hnahlan ram Tuithoh luikamah a thi a ni.

Comments

Popular News (Last 30 Days)