Thlasik thlai chingtuten Assembly nei

Serchhip-a Thlasik thlai ching \hinte telna Serchhip Agriculture & Horticulture Co-operative Society te chuan nimin June 2, 2014 khan Lalpuithanga Hall, Serchhip Chhim Veng-ah Assembly an hmang.

He Assembly hi an pawl President, Pu PC. Siamliana, chuan kaihruaiin he hun hi Serchhip District Agriculture Officer (DAO), Pu James Lalsiamliana chuan a hmanpui a, he hunah hian Pu James Lalsiamliana chuan kuthnathawktu, thlai chi hrang hrang chingtute tana an Department hmalakna te a sawi a, kalkhawmte pawhin zawhna an neih ang ang te zawtin inhrilhfiahna hun an hmang nghal bawk a ni. Nimin a he Society Assembly hian an thurel zingah Zawlpui Phai Mat lui-a Chawm Lei (Bridge) bulah Kuthnathawktute tan Chawlhbuk sak nise tiin, Mat lui kai 2-na ah Lei (Bridge) dawh nise an ti a, Thlai tharchhuah phurhna turin Motor lian ngaihtuah nise an tih bakah an Society in Agriculture, Horticulture leh ARCS a\anga \anpuina an dawn \hin ah heng \anpuina petute chungah hian lawmthu an sawi tih Resolution siamin an passed bawk. Nimin a Assembly-ah hian Agriculture Department a\anga thlai chi an dawn, Chana leh Bawkbawn chi te an sem nghal bawk.