Serchhip-ah World Blood Donors Day hmangin tlawmngaia thisen pe tam te chawimawi a ni.

Khawvel puma World Blood Donors Day Inrinni kalta June 14, 2014-a hman a nih rualin Serchhip-ah pawh he Ni pual hian inkhawm neiin kum kalta chhunga thisen pe tam te hnenah chawimawina hlan an ni.

Association for Voluntary Blood Donation (AVBD) Serchhip Branch leh JN Hospital Blood Bank te \angkawp buatsaih Serchhip-a World Blood Donors Day puala inkhawm hi CMO Conference Hall-ah neih a ni a, he hun hi Pu Lawmkima, SDO (Sadar) chuan khuallian nia hmanpuiin thisen mamawhna a san zel thu leh ruihhlo leh thildang hrang hrang avanga \halai zingah thisen pe theilo an tam tawh thu sawiin, he huna kalkhawmte chu damlo te mamawh thisen pe thei tura an nundan leh khawsak dan an fimkhur hle a \ul thu a sawi a ni. Serchhip-a World Blood Donors Day puala inkhawm hi Pu K. Tlangthanmawia, President, AVBD Serchhip Branch chuan kaihruaiin Dr. ZD. Lalmuanawma, District Medical Superintendent leh Dr. Lalhlunpuii, Blood Bank Officer te chuan he huna kalkhawmte chu midangte tana thisen pek pawimawhna hrang hrangte an zirtir bawk a ni.
Nikum April 1 a\anga kumin March 31 thleng khan JN Hospital Serchhip Blood Bank-ah hian thisen Unit 721 pek a ni a, hemi chhung hian Blood Donation Camp tum 19 neih niin thisen Unit 639 lak a ni a, Blood Bank-a mahni a kala thisen pe mi 65 awmin a thlawna thisen pek zawng zawng hi 704 niin hei hi thisen pek zawng zawng a\angin 97.64% a tling a, mi tu emaw tan bika thisen pek Unit 18 awmin hei hi 2.49% a ni thung a, he Ni hmanna a thisen pe tam lawmman dawngtute chu :

Sl. No Relegious Group Pek zat

1 TKP, Thenzawl Pastor Bial 58
2 PYD UPC (NEI), Thenzawl Pastor Bial 46
3 Serchhip Pastor Bial TKP 45
NGO (YMA)
1 Serchhip Vengchung Branch YMA 62
2 S. Kawnpui South Branch YMA 44
3 Serchhip Chhim Veng Branch YMA 32
Educational Institution
1 NSS, Govt. HSS Serchhip 50
Others
1 Serchhip Thalai Pawl 85
2 14th Assam Rifles, Serchhip 35
3 West Block Congress Thalai, Thenzawl 29