NLUP hnuaia pung awm lova Loan la te hmalakna thlir.

NLUP hnuaia din ‘Committee for Review of Interest Free Loan’ chu nimin khan \hukhawmin NLUP hnuaia pung awm lova loan pek te an hnathawh dan an thlirho bakah, loan dawngtute dinhmun leh hmalak zel dan tur an sawiho.

He \hutkhawm Chief Secretary Conference Hall-a neih hi an Chairman Chief Secretary, Pi L. Tochhong chuan kaihruaiin NLUP hnuaiah hian Horticulture Department chuan district tin a mi pakhat hnenah Medium Size Multi Crop Nursery siam nan Loan an pechhuak a, he loan hi mi pakhat hnenah installment-in cheng nuai 12.50  pek a ni a. Loan dawngtute nursery siam hi a hmun a endik niin, Serthlum leh Kuhva budding leh Seedling an kui te \ha tawk a ngaih a ni a, a ti \ha ber hian kumin ah cheng nuai 46.36 man vel tharchhuak thei tura chhut a ni. Hei bakah hian AH & Vety Department hnuaiah mi 17 hnenah cheng nuai 10 \heuh loan pek a ni bawk a, an zingah hian mi 16 in Vawkvulh nan sum hi hmangin mi pakhatin Ar vulh nan a hmang thung a. Loan hi thlatina rulh tura tih a ni a, mahse PRSS hri avanga vawkte an thih nual vangin a tam zawk hian an rul thei rih lo a ni. Nimin a \hutkhawm ah hian heng mite harsatna chhawmdawl dan tur ngaihtuah nise tiin Vawk lei tur awm loh avanga harsatna sutkian dan tur ngaihtuah thuai nise an ti bawk a. Hetih rual hian loan rul \ha duhlo leh hma la \halo te chungah dan anga hmalak ni se an ti bawk.