Mizoram sorkar hnuaia hnathawk service pawhsei te titawp turin MSU in sorkar ngen nawn.

Mizo Students’ Union (MSU) Gen. Hqrs. chuan Mizoram sorkar hnuaia hnathawk an service pawhsei sak leh te chu a rang thei ang bera titawp turin sorkar an ngen nawn leh tih an sawi.

Hemi chungchanga MSU thuchhuah chuan sorkar hnathawk, an hnathawh hun chhung tur bithliah hmang zo tawh a, sorkar in a ruai nawn leh an hnathawh hun chhung tur pawhsei sak an ni \hin chu pawi an ti tak zet tih tarlangin, hei hian Mizo \halai lehkhathiam, sorkar hna zawng mek te tan harsatna nasa tak a thlen \hin avangin  MSU chuan a duhloh thu vawi tam tak a tlangaupui tawh bakah sorkar ah pawh ngenna a thlen fo bawk tih an tarlang a. ‘Mizo \halaite hmakhua ngaihtuah chunga MSU hmalakna hian rah \ha a chhuah lo zel anih chuan Mizo \halai hna neilo, eizawnna duh tuihal tak tak te hian kan duh loh thleng kan thlen angai ang tih MSU chuan a hlau takzet a ni,’ an ti bawk.
    MSU thuchhuah chuan sorkar Department 21 a hnathawktu (Officer) \henkhat, tuna sorkar in a rawih nawn te leh an Service hun chhung pawhsei (Extend) mekte chu sorkar in Mizo \halaite hmakhua ngaihtuahin titawp tawh se an duh takzet tih tarlangin, ‘Mizo \halaite zingah a kum telin lehkhathiam kan pun belh zel a, sorkar hna a harsat tulh tulh tawh avangin mi pakhat Services hun chhung pawhsei sak emaw rawih nawn hi Mizo \halai lehkhathiam hna zawng mekte tan a pawi zia hria a titawp turin MSU chuan sorkar a ngen takzet a ni,’ an ti bawk.