Latest News

Mizoram Medical College atan inbuatsaih mek niin Aug. 2015-ah Class \an hman theih beisei a ni.

Mizoram-a Medical College din turin inpuahchahna ngawrh taka kalpui mek zel a ni a, Mizoram Medical College-ah hian August, 2015 ah Class \an hman theih beisei a ni.
Kumin March 3-ah sorkar laipuiin Mizoram Medical College din phalna a pek tak avangin Mizoram sorkar chuan theihtawp chhuahin a bawhzui nghal a, Medical College dinna tura hmalakna a mawhphurtu pawimawh tak pakhat Advisory Committee chu nimin khan Health Minister, Pu Lal Thanzara hovin an \hukhawm a. He Committee hi Medical College project atana Committee peng hrang hrang dinte khalh kaltu tur leh an hnathawh dan tur kawhhmuha finchhuahtu tur an ni. He \hutkhawm ah hian Health Minister chuan hun rei tawh tak ata sorkarin neih ngei tuma a lo beih tawh Mizoram Medical College chu a tak ram a thlen dawn tak avangin theih-tawpa a buaipuitu ten \an an lak a ngaih thu leh Medical Council of India (MCI) mit tlung a hnathawh a \ul avangin Committee peng hrang hrangte pawhin anmahni hmazawn \heuha tihtur awmte bahlah lova an tih zar zar a ngai a ni, a ti bawk.
    He \hutkhawm ah hian Medical College dinna tur Falkawn-a State Referral Hospital hlimthla thlirho niin ruhrel siam\hat ngai leh thawm\hat ngai laite sawiho a ni a. August, 2015 ah Class \an hman theih beisei niin a bul \an nan Anatomy, Biochemistry leh Physiology Department din nise, a batch hmasa berah zirlai 100 tal admit theih tum nise tih a rel a, hei hi Chief Minister Chairman-na hnuaia din Board of Management hmaah pharh a ni ang. He project atana Consultancy Firm rawih tura Committee dang in an lo rawt tawh,HSCC (India) Ltd. chu pawmpui a ni bawk.

Comments

Popular News (Last 30 Days)