Kumtin a Lovah vangin Mizoram-ah rambua a tam phah.

National Remote Sensing Agency-in ‘Wastelands Atlas of India 2005’ a tarlan danin kumtina lovah vangin Mizoram zau zawng 21,081 SqKms-ah 4,469.88 SqKms zet chu rambua a ni a, hei hi a ram zau zawng a\angin 21.20% lai a tling a ni.

‘Wastelands Atlas of India 2005’ a tarlan a nih dan chuan India ramah ram hmantlak loh |in maktaduai 204 zet awm anga chhut a ni a, chung zinga |in maktaduai 102 zet hi a nihdan tur anga enkawl chuan ram hmantlakah siam theih a ni a. Rampumah ram hman tlak tawh lova siamtu lian ber chu tuilian (61.52%) a ni a, a dawttu chu ramngaw suat (11.20%) niin, thingtlang lo neih (shifting cultivation) avangin kumtin 2.82% lai a ni. Sorkar lam chhinchhiah danin rambua tawh cheithar lehna programme chi hrang hrang hmangin |in maktaduai 114 vel siam\hat leh theih beisei a ni. Rambua chei\hat leh nan kum 1972 a\angin Ministry of Rural Development in kawng hrang hrangin hma a lak tawh mai bakah Ministry of Environment & Forests pawhin kum 1989 a\ang khan ‘National Afforestation & Eco-development Project’ hming vuahin hetiang programme hi a lo kalpui ve tawh \hin a ni.
    National Remote Sensing Agency-in ‘Wastelands Atlas of India(2005)’ a tarlan danah chuan Mizoram zau zawng 21,081 SqKms-ah hian 4,469.88 SqKms zet chu rambua a ni a, chu chu 21.20% lai a tling a ni. Hei hi kum tina lovah leh hal chin avanga ram tihchhiat \hinin a siam a ni. Mizoram-ah hian 2001 Guidelines anga kal ‘Integrated Watershed Development Programe’ Project 17 leh 2003 Guidelines anga kal ‘Hariyali Project’ 35 (a zavaiin Project 52) kalpui mek a ni a. Kum 2008 a\anga rampum tana Common Guidelines siam hnuaiah Mizoram-ah pawh ‘Integrated Watershed Management Programme’ (IWMP) chu kum 2009-10 atanga hmalak tan niin Project 95 kalpui mek a ni bawk.