Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

June 25-ah ‘Zofate Chawlhbuk’ sak bul\an tum a ni.

Mizo Zirlai Pawl (MZP) chuan Borapansury-a ‘Zofate Chawlhbuk’ sak an tum chu tun thla ni 25-ah \an an tum tih an sawi. Nimin June 12, 2014-a Aizawl-a thuthar la-khawmtute an kawmna ah MZP President, Lalhmachhuana chuan Borapansury-a Supply Department ramah Chawlhbuk sakna tur ram, ft. 2500 bial chu tehfel a ni tawh tih sawiin, sorkar chuan June 11-ah Zofate Chawlhbuk sak phalna hi MZP hnenah ziakin a pe fel tawh tih a sawi a. Chawlhbuk sak an tumna ram chungchangah Mizoram sorkar hnuaia FCS&CA Department a\anga dan ang thlapa phalna nei an nih avangin harsatna leh dodalna engmah a awm an ringlo niin a sawi bawk. Zawhna chhangin Lalhmachhuana chuan Chawlhbuk sakna tur ram LSC pechhuaktu tur chu CADC a ni tih sawiin, Chawlhbuk sak rel a nih laiin CEM kalchhuak ta, tuna Mizoram sorkar-a Minister ni ta, Dr. BD. Chakma pawh a tel ve nia sawiin, harsatna a awmloh tur thu alo sawi tawh niin a sawi a. Chawlhbuk sak tum avanga Chakma pawl hrang hrang 11 intiamrual ten Borapansury-II a MDC bye-election neih tur an dodal chu an hriatthiamloh thu leh democracy zahlohna leh palzutna ah an ngai tih sawiin, MDC bye-election boycott tur relna hmuna democracy zahawmna kengkawha vawnghim tura chhia lo chham tawh, Dr. BD. Chakma, Minister a tel ve chu mak an tih thu a sawi bawk.

Comments

Popular News (Last 30 Days)