Passport siam turah fimkhur turin ngen

Deputy Passport Officer, Mini Passport Seva Kendra, Aizawl chuan mipui te hnenah ngenna siamin Passport siam dan chungchang a sawifiah.

He ngenna a siam ah hian hun engemawti a\ang khan hmanhmawh taka Passport siam tuma Guwahati a Passport Office dawr tura kal, mi \henkhat ten document felhlel te, \henkhat phei chuan lehkha lem te leh tihdanglam te keng an awm leh zauh \hin nia hriat a nih thu tarlangin, hei hi sual vang reng ni lovin dan bawh-chhiatna lian tak anih zia hriat loh vang a nih a rinawm tih a tarlang a. ‘Passport hi India rama document neih harsa ber leh pawimawh ber te zinga mi anih avangin document \ul te pawh hi a dik tak leh rintlak an nih ngei a ngai a, uluk taka enfiah \hin an ni,’ tiin ‘Document tih-danglam (tamper) te, a lem siam (forge) te hi man chhuah anih chuan Passport neih theih lohna tur khawp anih mai bakah criminal case awrh theihna a ni a. Tin, dik hlel deuhva tih tum te avangin mi dang, hmanhmawh thila Passport siam turte tan pawh harsatna a awm phah thei a. Chu mai bakah Mizoram a\anga dil te document zawng zawng rinhlelhna mita en a nih phah dawn avangin hemi kawngah hian mitin te fimkhur turin kan in ngen a ni,’ a ti bawk.