Mizoram-ah Marriage Registration ti mi 12,554 awm tawh.

Mizoram Compulsory Registration of Marriage Act 2007 hman a nih a\angin tun thlengin Mizoram-a Marriage Registration ti mi 12,554 an tling tawh. Deputy Registrar General of Marriages office a\anga thudawn danin, April 1, 2008 a\angin Mizoram-ah Marriage registration hi \an a ni a, kumin March thleng khan inziaklut hi mi 12554 awmin, Aizawl District chu inziahluh \hatna ber a ni a, Saiha district ah inziaklut an tlem ber a ni. Dan-in a phut angin, registration ti te hi an sakhaw vawn dah tel a ni a, hemi chhunga inziaklut tawhah hian Kristian sakhaw vuantu tam berin 12,278 an ni a, Buddhist-in dawtin 259 an ni a, Hindu 17 awmin Muslim leh sakhaw dang vuantu Marrriage Registration ti hi an la awm lo. Thawktute sawi danin, district \henkhatah hian duh angin awareness kalpui ala nih loh avang te in registration tiloa innei an tam a, a bikin Chakma chen tamna lai-ah inziaklut hi an \halo niin an sawi. District tina Registration ti zat chu Aizawl District-ah 6833, Mamit District-ah 725, Kolasib District-ah 942, Champhai District-ah 1490, Serchhip District-ah 968, Lawngtlai District-ah 675, Lunglei District-ah 676 leh Saiha District-ah 245 an ni.  India dana kum 18 tling chin chauh inneih theih tih a nih laiin, sakhaw \henkhat zingah kumtling loa inneih tir te an la chin avangin heng te hi registration tih theih a ni lo mai niloin, report-tu an awm chuan dan hmanga hrem theih an nih zawk thu an sawi.