Darkar 32 hnuah Total Bandh tihtawp a ni ta

Mizoram-a tlawmngai pawl hrang hrang ten darkar 72 awh tur Total Bandh an huaihawt chu darkar 32 leh a chanve kalpui a nih hnuah nimin chawhnu dar 1:30 khan tiamchin awm lova tihtawp a ni ta.

Nimin a Total Bandh tihtawp a nih hnu hian NGO Coordination Committee chuan thuchhuah siam nghalin Bandh an Call-off theihna tura an thilphut Election Commission of India leh Mizo-ram sorkar in a pawm te an tarlang a, hetah hian ‘Election Commission of India chuan tunhnu reng rengah Mizoram Tuikuk, Mizoram pawna awmte Mizoram inthlanah (MP & MLA) Mizoram chhung ngeia Vote an thlak theih nan ruahmannaa siam ang’ tih te, ‘Tuikuk, Mizoram mi leh sa dik tak; Tripura Transit Camp-a awm mekte hi inthlan (Model Code of Conduct) zawh veleh Dt.16.5.2014 a\anga chhiara thla 3 (thlum) chhungin Mizoram a la /ko let leh turin Mizoram sorkar in a tum nghal ang.’ tih leh ‘Tuikuk, Mizoram mi leh sa dik tak; koh kir leh an nih pawh a lo kir leh duhlo te chu Mizoram Electoral Roll a\anga paih/thaibo an nih theih nan Mizoram sorkar in hma a la ang.’ tih te chu ziaka an hmuh thu an tarlang a.
    Hei bakah hian NGO Coordination Committee chuan “Mizoram a\anga MP Candidate te ‘Mizoram a\anga Candidate hian MP (Lok Sabha) inthlanpui 2014 ah hian Tripura Transit Camp-a Tuikuk awm ten Mizo mipui duhdan kalh a Tripura-a vote an thlak hi chhiar luih a nih chuan lo tling mah i la kapawm lovang tih ka intiam a ni’ tih leh ‘Vote awm zawng zawng a\anga za a sawm nga (50%) tal a tlak loh chuan Mizoram mipui aiawh zo lova inngaiin MP ah hian thlantlin pawh ni i la ka pawm lovang tih ka intiam e’ tih hi hming ziahhnan tura an ngenna te Candidate ten an tihhlawhtlin theih tak loh avang leh Political Party ten Inthlan hi neih ngei anih theih nana Total Bandh titawp tura nasa taka NGO te an ngenna avangin NGO Co-Ordination Committee chuan Mizo mipuite hmakhua ngaihtuahin loh theih lohin Total Bandh hi a Call Off a ngai ta a ni,” an ti bawk a ni.
    Total Bandh Mizoram puma a buatsaih chungchangah Mizo mipuite thlawpna ropui ber (Mizoram History) a dawng chu lawmawm an tih thu sawiin, ECI leh Mizoram Sawrkar intiamna hi ngun taka ngaichangin tun hi a tawpna ni lovin a bul \anna ah an ngai tih an thuchhuah ah chuan an tarlang bawk a ni.