YMA Sub-Hqrs. Serchhip in YMA leh E&F thawhhona ennawn rawtna an pawm.

/
YMA Sub-Hqrs. Serchhip Conference vawi 4-na East Lungdar-a neih ah khawmpui Palai te chuan ‘YMA leh Environment & Forest Department thawhhona hi ennawn ni rawh se’ an ti.
Tunkar Thawhlehni, March ni 25 zan a\anga YMA Sub-Hqrs. Conference vawi 4-na East Lungdar-a Thangburha Hall-a neih ah hian tunkar  Nilani khan khawmpui Palai mi 159 te chuan YMA Sub-Hqrs. Serchhip President, Pu RL. Chhuanawma kaihhruaina in ro an rel a, YMA khawih thu rel tur 4 chhawpchhuah zingah YMA leh Environment & Forest Department thawhhona ennawn rawtna hi telin hei hi khawmpui Palai te chuan lungrual takin an pawm a. YMA Sub-Hqrs. Serchhip in Mautuai khawrh chungchanga nikum a hma an lakna khan YMA leh Environment & Forest Department te hian thu inchuh an lo nei tawh a ni. Hei bakah hian Ramdang mi leh hnamdang mi te hnenah In hmun, lo ram leh In luah tir leh hralh chung-changah rualkhai zawka kan kal theih nan hma lak ni rawh se tih chu lungrual taka pawmin, Sub-Hqrs. YMA Serchhip building sak chhunzawmna atan Sub-Hqrs. huamchhunga YMA member tinin Rs. 5/- thawh ni se tiin, Sub-Hqrs. YMA in Volleyball (Mipa leh Hmeichhia) intihsiakna buatsaih nise an ti bawk.
    Heng bakah hian Sorkar khawih zingah Serchhip District Jail chu kum 2014 chhung ngeia hawn a nih theih nana hmalak te, Serchhip District in District Employment Exchange a neih thuai theih nan hma lak te, Serchhip District in District Library kan neih thuai theih nan hmalak pawmin, Serchhip District-a Monument leh hmun hmingthang te humhalha cheibawl te, Serchhip-Buarpui kawng ADB sum hmanga siam tum hmalak thuai a nih theih nana hmalak te, Ar\ahkawn-N. Vanlaiphai kawng resurfacing a nih theih nana hmalak te, Khaw-lailung leh Hmunzawl inkar Tuichang lui-a Lei dawh a nih theih nana hmalak leh Chhingchhip khawchhunga NH. 54 lei (Beiley Bridge) helna siam hna chak zawka thawh a nih theih nana hmalak te an rel bawk. Sub-Hqrs. YMA Serchhip Conference ah hian Fin. Secretary, Pu Kawl\huama chuan kum 2014-2015 Budget, Rs. 3,00,000/- chu pharhin lungrual taka pawm a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »