Thuthar thenkhat :

ZUALKO

@@ Nimin zing dar 8:00 vel khan Upa C. Lawmsanga (86), Pu Ram-mawia (PCR H/S zirtirtu) pa, New Serchhip Bazar Veng chu Thawhah vangin a boral a, nimin vek khan vui-liam nghal a ni.

Endiktu tur training pe
@@ Inthlanpui lo awm tur atana Ser-chhip District a political party leh candidate-te senso leh dan bawh-chhiatna a awm leh awm loh viltu tur team hrang hrang te chu nimin khan Serchhip DC’s Meeting Room-ah kokhawmin an mawhphurhna leh an hnathawh dan tur te zirtirna hun hman a ni a. Tun \uma inthlanpui neih turah hian Flying Squad, Static Surveillance Team, Video Surveillance Team leh Assistant Expenditure Observer pahnih \heuh leh Accounting Team leh Video Viewing Team 4 ve ve din an ni.

DC inthlak rih dawn
@@ Election Commission of India thupek angin Aizawl District DC, Dr. Franklin Laltinkhuma, IAS leh Serchhip District Deputy Commissioner Pi Juhi Mukherjee, IAS te chu an awmna inthlak turin Mizoram Sorkar-in nimin khan hriat-tirna a tichhuak a, inthlan zawh fel hunah an awmna ngaia let leh tura tih niin Serchhip DC hian tukin ah Aizawl a pan nghal ang.

CCDU in Workshop buatsaih

@@ PHE Department hnuaia Communication & Capacity Development Unit (CCDU) buatsaihin nimin khan New Serchhip YMA Hall-ah Serchhip District chhunga Village Water & Sanitation Committee te tan mipuite hnena Tui thianghlim pek theih dan tur leh thianghlimna kawnga hmalakna dan tur bakah VWSC mawhphurhna te zirhona hun an buatsaih.

MP Candidate atan pawm
@@ Nimin khan ZNP Political Affairs Committee (PAC) leh General Secretary te chu an Office-ah \hu-khawmin MP leh MLA bye-election neih tura eptu pawl te thawhhona tura harsatna awm te an thlir a, he harsatna hi chinfel ngei \ha an tih thu sawiin, MNF in MP Candidate atana an rawt chu pawm theiin, amaherawhchu Hrangturzo biala ding tur erawh Party mi an ni emaw, nilo emaw ZNP in rawt ve thung nise an ti bawk.

UDF-ah lungrual dawn?
@@ Mizoram-a eptu Party hrang hrang-ZNP, BJP, MPC, Paite Tribes Council (PTC), HPC, MDF leh MNF aiawhte chu nimin khan Mizo Hnam Run-ah \hukhawmin Vawiin (19th March, 2014) hian \hutkhawm leh nise an ti a, Vawiin tlailam hain UDF in MP inthlanpuia neih tura an Candidate tur puan hman beisei a ni.

Report turin ngenna siam
@@ Election Commission of India thupek angin Income Tax Department chuan Lok Sabha inthlan vuakvetah tangkafai leh thil hlu dang tihchet a nih dante a vil reng dawn a. Directorate of Income Tax, Guwahati chuan hemi atan hian Complaint Monitoring Cell a din nghal a, hmarchhak bial ah tangkafai tam tham taka khawih chet a awm tih hria apiangin Ph. No.18003453619 ah man chawi ngai lovin report theih reng a ni.