PRISM leh SOSA in Mizoram tana Lokayukta duan hnathawk theilo tur nia an hriat thu an sawi

Mizoram-a eiruk dona kawnga tlawmngai pawl lian pahnih PRISM leh SOSA hruaitute chuan Mizoram-a hman tura Lokayukta dan duan chhin chu hna thawk theilo tur nia an hriat thu an sawi.

PRISM leh SOSA hruaitute pahnih-PRISM President Pu Vanlalruata leh SOSA President, Pu SL. Sailova te hian nimin khan Aizawl Press Club-ah thuthar lakhawmtu te kawmin Mizoram-a eiruk dona tur ‘The Mizoram Lokayukta Bill, 2014’ chu en thuaka \hat hmel tak, a sir lehlam a\anga en erawh chuan awmze neilo tur nia an hriat thu an sawi a. Lok-ayukta-a Chairperson leh Member ruat dawna Search Committee hial din tur anih laiin, Chairperson leh Member atan hian Selection Committee in Search Committee rawt miah loh mihring pawh a ruat thei dawn tho niin an sawi a. Lokayukta sawia mithiam ten a \hat dan tur an sawi zinga a hmasa ber \hin chu ‘a independent tur a ni’ tih a nih laiin Mizoram-a din tum chu phuar-hlawm tlat a ni dawn nia sawiin, sum mamawh pawh sorkar Department te ang thovin Legislative Assembly-a ngaihtuah a ngai dawn a, amah inenkawl nana regulation a siam te pawh Legislative Assembly in a pawm zel a ngai dawn niin an sawi bawk.
    Hei bakah hian Lokayukta hian kum 5 kal tawh chin ami thubuai pakhatmah a khawih thei dawn loh bakah complaint a dawn a\anga kum 5 kal tawh ami a khawih thei dawn lo nia sawiin, Chief Minister hial pawh chhui thei tur anih laiin he Dan duan ang hi chuan Lokayukta hian complaint a dawn loh chuan engmah a chhui thei dawn lo niin an sawi a. Complaint thehluttu te venhimna tur a nei miahlo bakah complaint thehluttu na taka hrem theihna tur, tu tan maha complaint thehluh ngam lohna tur provision a nei nia sawiin, he Bill hi en thuaka \ha tak, zirchiana ram tana \angkaina nei miahlo niin an sawi bawk.