NLUP \anpuina sem chhunzawm mek a ni

Mizoram sorkar Flagship Prog-ramme, NLUP \anpuina chu sem zui leh mek a ni.

Hemi chungchanga sor-kar thuchhuah tarlan danin January 17th, 2014-a NLUP Implementing Board thutlukna angin NLUP \anpuina dawng zui tlak leh review ngaite list February 7th, 2014 chhungin mahni DC \heuh te hnenah khaw tina Committee ten thehluh tur tia NIB in thuchhuah a siam bawhzuina atan \anpuina dawng zui tlak te hnenah \anpuina hi sem zui mek a ni a, khaw tam tak a\anga hmu zawm tlak leh review ngaite report dawn a nih loh avangin duh angin \anpuina sem a kalchak thei lova. 2nd Phase beneficiary pawisa la dawng kimlo khua zawng zawng ten a hma thei ang berin mahni DC \heuhte leh NLUP Office-ah thehluh tur a ni. Thehlut hmasa apiang te hnenah \anpuina hi sem chhunzawm a ni ang, a ti bawk. NLUP 3rd leh 4th Phase beneficiary te leh an Trade thlante review na 10th March, 2014-ah neih a ni dawn a, hemi chungchanga rawtna nei apiang ten DC emaw Implementing Board-ah thehluh tur a ni a. Trade review zawh veleh 3rd leh 4th Phase beneficiary te hnenah \an-puina sem chhunzawm a ni ang tiin sor-kar thuchhuah chuan a tarlang bawk.