Khawvel puma TB Dona ni atan ruat a nih angin nimin March ni 24, 2014 khan Revised National TB Control Programme (RNTCP) bultumin Aizawl-ah World TB Day chu hlawhtling tak a hman a ni.
Nimin a World TB Day pual hian Aizawl-a I&PR Auditorium-ah inkhawm neih niin he hun hi Pu RL. Rinawma, IRS, Principal Secretary, H&FW chuan khuallian niin a hmanpui a, Pu RL. Rinawma chuan TB Dona kawnga thawktute fuihna thu sawiin tihdam hna zahawm zia leh thawktute fakawm a tih thu te a sawi a. Chak zawka hmalak a \ul zia leh media lam-ah te uar zawka tan kan lak a ngaih thu te, mipuite zinga Awareness neih tam a \ul zia te sawi langin Mizoram in Medical College thar nei tura Central lam nen MOU kan sign ve tak thu te, he kan Medical College neih tur hi a theihna chin chinah World Class Medical College anga kalpui tum a nih dan te a sawi bawk. He hunah hian TB natna chungchanga hriat tur pawimawh chi hrang hrang zirho a ni bawk a ni. Nimin a World TB Day pual hian Bike Rally an nei bawk a ni.
TB natna hi kum 1882-ah German Doctor Robert Koch-a'n hmuchhuakin India ramah hian TB Dona Programme, Revised National TB Control Programme (RNTCP) hi kum 1997-ah kalpui \an a ni a. Mizoram-ah hian kum 2003-atangin Programme kalpui \an a ni. RNTCP Report-in a tarlan danin India ram hi khawvela TB vei tamna ber ram a ni a. 2013 Record-in a tarlan danin TB Damlo register zat hi mi 2005 an ni a, Khak-a TB hrik hmuh zat hi 706 niin tihdam zat hi mi za-a sawm riat pariat (88%) an ni. TB vang thi hi 63 an awm bawk.
.jpeg)
Comments
Post a Comment