Latest News

Inthlanpui neih tur atan hriattirna tihchhuah a ni. Serchhip District-ah inbuatsaih ngawrh mek.

Thla thar April 9, 2014-a Mizoram-a Lok Sabha inthlanpui neih tur leh hemi ruala Hrangturzo biala Assembly bye-election neih tur atan Inrinni khan hriattirna tihchhuah a ni ta.
Mizorama Lok Sabha seat khat atana inthlanna leh hemi ruala Hrangturzo biala Assembly Bye-Election neihtur atan President leh Election Commission chuan Inrinni, (15th March, 2014) khan hriattirna hi a tichhuak a, hemi rual hian he inthlanna chuh tumte tana hming pekluh hun chu hawn nghal a ni bawk a, tun thla ni 22 thlengin hming hi pekluh theih a ni ang. Hming pekluh te hi tun thla ni 24-ah endikin inhnuhdawhna hun chu tun thla ni 26 thleng hawn a ni anga. Vote tla te chu May ni 16 ah ramchhung hmun dang ruala chhiarin, inthlanna pumpui chu May 28, 2014-ah zawhfel vek tura ruahman a ni bawk. Tun \uma Mizoram a Lok Sabha Seat khat atana inthlanna neih turah hian vote thlak thei mi 7,00,422 an awm mek a, heng zinga 3,41,934 chu mipa niin 3,54,514 chu hmeichhia an ni a, 3,974 te chu Service Voters an ni. Heng mite vote thlak nan hian Mizoram pumah Polling Station 1126 siam a ni.
    Hetihlai hian Lok Sabha inthlanpui leh 28-Hrangturzo (ST) Assembly Constituency a bye-election nei turin Serchhip District-ah pawh inpuahchahna chak taka kalpui mek a ni a, he inthlanpui neih tur atan hian Serchhip District-ah Sectoral Magistrate turin mi sawm (10) leh reserve mi pakhat ruat an ni a, heng mite hian March 18, 2014 a\angin an bial chhung \heuha Polling Station hrang hrangte an tlawh chhuak vek ang a, inthlanna atana inbuatsaihna hrang hrangte an endik dawn a, heng mite hi Inrinni khan EVM chungchangah training pek an ni tawh bawk a ni.

Comments

Popular News (Last 30 Days)