Chanchinthar thenkhat :

Observer biak theih reng

@@ Lok Sabha leh 28-Hrangturzo Assembly bial bye-Election atana Election Commission of India in Serchhip District leh Champhai District atana General Observer-a a ruat Saleem Mohammad IAS chuan Inrinni, March 22, 2014 khan Serchhip a rawn thleng a, inthlan kaihhnawiha buaina leh harsatna emaw, zawhna leh hriatchian duh nei tan 8974641210/09419142817-ah nitin, office hun chhungin a biak pawh theih a ni ang.

EVM endikna neih a ni
@@ Lok Sabha leh 28-Hrangturzo Assembly bial Bye-Election atana hman tur, EVM te endik thawhkhatna chu nimin March 24 khan Serchhip DC’s Conference Hall-ah neih a ni a, Bharat Electronics Ltd. a\anga Engineer pahnih lokal ten an endik a ni. EVM te hi endik an nih rual hian thlan bik awm lovin khawl duh duh hmang hian Political Party aiawh ten election official-te kaihhruainain vote thlak chhinna an nei nghal vek a, Strong room-ah dah nghal a ni. Serchhip District ah hian Polling Station 77 a awm a, heng atana hman tur khawl, EVM leh VVPAT te hi an lo thleng kim vek tawh a ni.

YMA Conf. \an dawn
@@ YMA Sub-Hqrs. Serchhip Conference vawi 4-na chu zanin a\ang hian East Lungdar-a Thangburha Hall-ah neih neih \an a ni dawn a, tunkar Ningani zan thlenga neih tur niin he Conference hmang tur hian Vawiin hian Palai te chuan East Lung-dar hi an pan ang. Tun \uma YMA Sub-Hqrs. Conference-ah hian ‘Ram leh Hnam humhalh’ tih chu thupui ah hman a ni ang.

Candidate 2 te pawm
@@ Thla thar April ni 9-a Hrang-turzo biala Assembly bye-election neih tura chuh tura Nomination file pahnih, Vanlalawmpuii Chawngthu (INC) leh H. Lalduhawma (Ind) te Nomination paper chu nimin khan RO Office, Serchhip DC’s Office-ah endikin pawm ve ve a ni a, nak-tuk tlai dar 3:00 thlengin inhnuh-dawh theihna hun hawn nghal a ni.

MPCC in complaint siam
@@ MPCC chuan UDF thlawp MP Candidate Pu Robert Romawia Royte lakah Complaint thehlutin Pu Robert Romawia chu case nei lai, contractor in register a ni tia puhna te a tel a ni. He Complaint chungchang ah hian Election hotute chuan Pu Robert Romawia thubuai neia puhna chu ACB ah zawtfiahin thubuai awrh la ni lovin Preliminary Investigation nei a chhui mek, tun dinhmuna Departmental-a chhui zui tura kalpui anih thu an sawi a, Contractor anih chung-changah tun \um inthlan hi sorkar laipui Parliament Member atana inthlanna anih thu leh Contractor a nih na a tarlan chu State nena thawk tura insiamremna thil anih avangin hei hian a huam lova ngaih a ni thung a ni.

Hming pekluh pawm vek
@@ Member of Parliament (Lok Sa-bha) inthlanna tura Mizoram tana Seat khat chuh tura Candidate din tum te Nomination Papers chu nimin March 24, 2014 khan Observer leh Candidate aiawhte hriatpuiin he inthlanna a Returning Officer, Aizawl DC in a endik a, he inthlanna a chuh tuma hming pelut mi 4 te Nomination paper chu pawm vek a ni.

Candidate inhnukdawn
@@ Mizoram Lok Sabha MP thlanna neih tura chuh tumte tana inhnuhdawh theihna hun hawn mekah he inthlanna a Independent-a din tum, Pu Van-lalngaia, Kulikawn chuan nimin khan a Nomination Paper a hnukdawk a, he inthlanna chuh tumte tana inhnuh-dawh theihna hun hi naktuk March 26 tlai dar 3:00 thleng hawn a ni.

World Optometry Day
@@ Kumtina March 23-a World Op-tometry Day hman \hin pualin RI-PANS a Department of Optometry zirlai leh zirtirtute chuan nimin khan Hermon Childrens Home, Durtlang ah a thlawna Mit entirna buatsaihin a thlawnin damdawi leh eitur bakah Home mamawh an sem.