Assembly Session \an Ni-ah Larsap in thuchah a sawi.

Nithum awh tur Mizoram Legislative Assembly 7-na \hutkhawm vawihnihna chu nimin (18th March, 2014) khan neih \an a ni a, Session \an Ni hian Larsap Pu Vakom B Purushothaman chuan House-ah thuchah a sawi a ni.

Nimin a House-a thu a sawiah hian Larsap chuan Sorkar inrelbawlna dik, hnathawk \ha, mipuite tana rintlak leh felfai din chu Mizoram Sorkar tum ber a ni tih sawiin, remna leh muanna vawnhim kawnga Sorkar hlawhtlinna chu fak tlak a ni, a ti a, Sorkar chuan NLUP hmanga mipuite khawsak chawikan chu a ngaihpawimawh ber a ni chhunzawm zel tih sawiin, kum 5 chhungin chhungkaw 1,20,000 tuam an nih tawh thu leh chhungkaw 15,000 dang \anpuina pek leh turte nen, NLUP dawngtu chu chhungkaw 1,35,000 an tling dawn a, heta tan hian Planning Commission chuan cheng vbc 1208.82 a pechhuak tawh a, hei bakah hian ministry hrang hrang a\anga covergence hnuaia sum hmuh tur chu cheng vbc 760.43 ni tura ngaih a ni, a ti a, NLUP kalphung chu khawvelin a ngaihven a, UN hnuaia pawl \henkhatte pawhin Mizoram Sorkar nena thawhho dan tur ngaihtuahin Mizoram an rawn tlawh tawh a ni, a ti.
    Mipuite himna chu sorkar ngaihpawimawh ber a ni tih sawiin, Police te pawh tunlai thiamna changkang ber bera thuam an ni a, Forensic Science Laboratory pawh tihchangtlun zel a ni, a ti a. Lo neih leh a kaihhnawih, Agiculture lamah pawh Sorkar chuan nasa taka hmala in, ei leh bara intodelh tumin beihpui a thlak mek a, leilet tam zawk siamin kum kalta chhung khan Mizorama leilet zau zawng chu hectare 14636 atangin Hectare 16835 ah a kaichho a, a punna hi zaa 15.02 a tling a ni a ti a. Buh tharchhuah pawh kum 2012-13 -a MT 30,572 chu 2013-14 ah hi chuan MT 34,514 a tlin chhoh beisei a ni, a ti a, hetihrual hian tlangram lo neih zau zawng chu za zela chhuta 5-a a tlakhniam beisei a ni, a ti a. Mipuiten buhfai hnianghnara an hmuh theihna tur leh eirawngbawlna gas hnianghnara an hmuh theihna turin Sorkar chuan hma a la chhunzawm reng tih pawh sawiin, nikum June thla a\anga Ration Chini tihtawp chu Central Sorkar in kg khat zelah subsidy Rs. 18.50 pek a remtih leh tak avangin Ration Chini hi sem leh thuai a nih dawn thu a sawi a, eirawngbawlna Gas ah IOC in thingtlang khaw 25 tan RGGLV scheme hnuaiah Gas Agent ruat thar an  nih thu a sawi bawk.
    Hei bakah hian Larsap chuan hriselna dinhmun chawikan kawnga sorkar hmalakna tarlangin, PHC leh Sub-Centre hawn belhin Falkawn-a Referral Hospital chu tharthawhin khum 150 awm theihna tur chu khum 400 awm theihna tura tihlen tum a nih thu a sawi a, hemi rual hian Medical College din thuai a tum a nih thu leh Zemabawk Cancer Hospital pawh khum 100 awm theihna tura tihlen thuai tum a ni tih a sawi a. Hei bakah hian Zirna chawikanna tura hmalakna te, Olympic Vision 2016 hnuaia Sports Deptt in infiammi a tam thei ang ber Olympic-a an tel ve theihna tura hma a lak dan te, mipuiten tui thianghlim intur hniahnara an neih theihna tura PHE Deptt in kawng hrang hranga hma a lak dan te sawiin, leh Power chungchangah Mega Watt 210 pechhuak tur Tuivai khuah hna chu \an thuai tum a nih thu te pawh Governor chuan a sawilang bawk.