Serchhip-a Excise Department ten ruihhlo leh a kaihhnawih man tam

Serchhip Excise & Narcotics Department chuan nikum (2013) chhung khan MLTP Act hnuaiah mi 245 manin thubuai 282 an siam a, ND&PS Act hnuaiah mi 41 manin thubuai 29 ziahluh a ni bawk.

Serchhip-a Excise & Narcotics Department hian nikum chung khan Zu khap burna dan, MLTP Act hnuaiah Rakzu litre 2713.800 leh Sap zu Um 1346 an man a, Zu bilh lai |in 1889 manin zu siamna dawidim kg. 12.307 leh zu siamna bel 138 an man bawk a. ND&PS Act hnuaiah Parvon Spas mum 1427 leh Ganja gram 350 an man a, heng ruihhlo an man kaihhnawih ah hian lirthei LMV 5, Auto Rickshow 7 leh Two Wheeler 4 an man bawk a. Zu leh a kaihnawih thildanga an sum hmuh zawng zawng chu Rs. 18,54,403/- zet a tling a ni. Serchhip-a Excise & Narcotics Department hian nikum hmasa (2012) khan Rakzu litre 1817 an man laiin nikum khan litre 2713.800 an man a, nikum hmasa ah Sapzu um 210 an man laiin nikum khan um 1346 zet man a ni thung a ni. Hetihlai hian ruihhlo an man pawh nasa taka pungin nikum hmasa khan Parvon Spas mum 56 an man lain nikum khan mum 1427 zet an man a, kum 2012 parvos Spas an man aia nikuma an a man hi mum 1371 zetin a tam zawk a, kum 2012 a Ganja man gram 175 aia kumina gram 350 man inthlauhna erawh gram 175 chauh a ni thung. Heng ruihtheih thil kaih-hnawiha lirthei man pawh kumin hian pungchho in 2012 ah LMV 4, Auto Rickshaw 2 leh Two Wheeler 2, a vaia 8 man a nih laiin nikum khan LMV 5, Auto Rickshow 7 leh Two Wheeler 4, avaiin 16 an man a, kum 2012-ah sorkar ah chhiah Rs. 22,15,796/- chhunluh a nih laiin nikum khan Rs. 18,54,403/- hmuh a ni thung a ni.