Mizoram-a Tuikum Tripura-ah an tlanchhia niin sawi.

November ni 23, 2013-a Chikha hmun a\anga Mizo 2 leh hnamdang 1 rukbo vang khan Tripura lamah Mizoram a\angin Tuikuk 900 vel tlanchhia nia sawi a ni a. Tripura leh Mizoram sorkar hotute inbiain Tuikuk te himna tur an sawiho tih 'Times of India' (TOI) chuan a ziak a, he meeting chungchang hi Home Minister R Lalzirliana chuan engmah a hriat ve loh thu a sawi.

TOI in a tarlan dan chuan, he inbiakna, Officer-Level meeting hi Kanchanpur, Tripura-ah Nilaini khan neih a ni a, Mizoram Bru Displaced People's Forum (MBDPF) President, Pu A. Sawibunga thusawi TOI in a tarlan dan chuan, Mizo \halai engemawzat chuan January ni 13 khan Damdiai, Tumpanglui leh New Eden-a Tuikuk chengte chu helho nena \angruala puhin kut an thlak a, In 13 halin Shelter camps, Tripura pan turin an hnawtchhuak niin a sawi. Nikuma mi 3 rukbo an nih a\angin Tuikuk mi 1,000 velin Mizo kut tuar tawhin, \henawm Cachar leh Karimganj districts ah te an tlanchhiat phah niin tarlan a ni bawk. Home Minister R Lalzirliana chuan Kanchanpur-a meeting chungchang chu a hre ve miah lo tih sawiin, "An daw kual vel mai mai a ni," a ti bawk. Hetihlai hian YMA Sub-Hqrs. Mamit chuan Mizoram Bru Displaced People's Forum President, Pu A. Sawibunga chu he a thusawi chungchangah hian Mizote ti hmingchhetu ah puhin nimin khan Mamit Police Station-ah FIR an thehlut a ni.