Mizoram in lawmman pahnih dawng

Mizoram Sorkar chuan Ministry of Housing and Urban Poverty Alleviation hnuaiah Best State Award chi hnih a dawng.

Mizoram sorkar in Award a dawn te hi JNNURM a BSUP & IHSDP hnuaiah Mission Period kum 7 chhunga Best Performing State (in North East & Special Category States/UT’s) leh SJSRY hnuaiah kum 2012-2013 chhunga Best State for Overall Performance (in small states/UT’s) te a ni a, Award semna programme, nimin ni 21 January, 2014-a Vigyan Bhawan, New Delhi-a neihah heng Award te hi Mizoram Chief Minister, Pu Lal Thanhawla’n India President hnen a\angin a dawng a. JNNURM Award hian trophy bakah tangkafai cheng nuai 5 a keng tel a, SJSRY Award hian trophy leh tangkafai cheng nuai 3 a keng tel bawk. JNNURM hnuaia BSUP leh IHSDP ah hian khawpui chhunga mi retheite chenna in sak hna kalpui a ni a. BSUP-ah Aizawl khawpuiah In 1096 sak mek niin, IHSDP-ah hian District Hqrs. khaw 6 ah chenna in 1950 sak a ni bawk a. In sak bakah hian project huamchhungah leh khawchhunga vantlang mamawh (infrastructure) engemawzat siam a ni bawk. SJSRY hnuaiah hian khawpuia mi rethei te chawikanna tur hmalakna kalpui a ni bawk a ni.