BPL chhungkua 4947 inthiarna siam sak tawh

Thingtlang mipui ten faina kawnga hma an sawn a hriselna \ha an neih theihna turin Nirmal Bharat Abhiyan (NBA) hnuaiah Serchhip District-a BPL chhungkua 4947 te inthiarna siam sak an ni tawh.

He thu hi Serchhip District Level Vigilance and Monitoring Committee \hutkhawm nimin a neih ah tarlan a ni a, PHE Department chuan Nirmal Bharat Abhiyan (NBA) hi kalpuiin sorkar kum kal mek 2013-2014 chhung hian BPL chhungkaw 4947 leh APL chhungkaw 2900 an inthiarna siam a ni tawh a, Zirna In 80  ah leh Anganwadi Centre 117 ah inthiarna siam sak ni tawhin Vantlang inthiarna hmun 77 ah siam a ni tawh bawk. Hei bakah hian Khawfai lawmman dawng khaw 15 (Serchhip RD Block-10, E.Lungdar RD Block-5) an awm a, khaw fai lawmman dilpui mek khaw 4 an awm thu he hunah hian tarlan a ni bawk. Hei bakah hian Central Fund UIDSSMT a\angin Serchhip khaw tui lakna, Greater Serchhip Water Supply Scheme (GSWSS) tihchangtlun hna thawh a ni a, he ruahmanna hnuaiah hian RCC Reservoir thar pahnih Serchhip Chanmari Veng ah leh Serchhip Vengchung-ah siam niin Distribution Line te pawh extend a ni a, Tuikum Pump House ah Panel Board thar dah niin Tuikum leh Booster a Electric Motor leh Pump te a thara thlak a ni bawk.