Latest News

Serchhip District chhunga vote tla chhiar turin ruahmanna peihfel thawkhat a ni ta.

Assembly inthlanpui neih a Serchhip District chhung Constituency pathum-a vote tla te chu Mizoram hmundangte rualin karleh Thawh\anni khian chhiar a ni dawn a, ruahmanna peihfel thawkhat a ni tawh.
  Mizoram Assembly inthlanpui neih a vote tla te hi karleh Thawh\anni, Dec. 9, 2013 zing dar 8:00 a\ang khian Serchhip DC’s Office Complex-a Counting Hall tura ruahman ah te chhiar a ni dawn a, Serchhip District chhunga vote tla te chhiar tur hian Counting Supervisor, Counting Assistant leh Micro-Observer mi 30 \heuh ruat an ni a, Vote chhiarna tur hian Dawhkan (Table) 24 ruahman niin hei hi Assembly bial tinah 8 \heuh a ni a, dawhkan pakhat ah hian Counting Supervisor, Counting Assistant leh Micro-Observer pakhat \heuh awm tura ruahman niin mi 6 \heuh te chu reserve-a awm te an ni. Heng vote chhiar turte hi ECI duh danin duhsak bik awm lova computer hmang a thlan an ni a, naktuk Dec. 8, 2013 chawhma lam hian an chhiar tur bial hriattir an ni anga, vote chhiar Ni zing dar 5:00-ah an \hutna tur Dawhkan number hrilh hriat an ni dawn chauh a, hei pawh hi Computer hmanga la thlan leh vek tur a ni dawn a ni. Vote chhiar hunah hian Serchhip leh Hrangturzo Constituency te chu DC Conference Hall-ah leh Tuikum Constituency chu Establishment Room-a a chhiarna tura ruahman ah chhiar tur a ni dawn a, Postal Ballot te chhiar hmasak tur niin EVM te hi Round 1-ah a ruala 8 zel chhiar theih a nih dawn avangin Round 3-ah chhiar zawh vek theih a ni dawn a, hei vang hian chawhma dar 10:00 hmain Serchhip District a Candidate te vote hmuh dan kimchang chu hriat vek theih a nih beisei a ni.
    Serchhip District chhunga vote tla chhiar tura ruat te tan hian nimin khan IOC Veng Branch YMA Library Hall-ah training buatsaih a ni a, he hun hi District Bawrh-sap leh District Election Officer ni bawk, Pi Juhi Mukherjee leh Serchhip District Election Observer ten an telpui a, he hunah hian Master Trainer, Pu Vanlalrova, BDO Ser-chhip, Pi B. Malsawmtluangi, SDC Serchhip leh Pi Lal-tleipuii, BDO East Lungdar ten Counting Supervisor leh Counting Assistant te hi Postal Ballot-a vote tla te leh EVM-a vote tlate chhiar dan tur zirtirin, EVM hmangin a takin a tih dan tur zirtir an ni a, vote chhiar hunah har-satna awm lova felfai taka zawhfel a nih theih dan turte pawh an sawiho nghal bawk a ni.

Comments

Popular News (Last 30 Days)