Serchhip-ah Road Safety Week hawnna neih a ni.

Zonuna Kawlni /

 Lirthei khalh chunga Phone hman phal a ni lo.

Zoram Drivers’ Union (ZDU) huaihawtin nimin a\ang khan Mizoram pumah Fimkhurna Hapta, Road Safety Week vawi 33-na chu hman \an leh a ni a, Serchhip-ah pawh ZDU Sub-Hqrs. Serchhip huaihawtin he Hapta hi hman niin nimin zing khan he Hapta hawnna hi neih a ni.
He Hapta hawnna inkhawm nimin zing-a Serchhip Bazar Taxi Stand-a neih ah hian District Bawrhsap, Pi Juhi Mukherjee chuan kum tina lo hman tawh \hin anga Road Safety Week hi hman a nih thu sawiin, lirthei khalhtu zawng zawngte chu fimkhur lehzual turin a chah a. Krismas vuakvet chho ah hian zin veivak kan tamin, chhungkaw tin ten Krismas leh kumthar hlim taka kan hman theih nan lirthei khalhtu ten mawhphurhna lian tak an nei tih a sawi a, mite tana \ahna thlentu ni lova hlimna thlentu an nih \heuh theih nan an lirthei khalh ah fimkhur lehzual turin lirthei khalhtu zawng zawngte chu a chah a. Road Safety Week hman chhung hian Transport Department leh Police Department lam pawhin lirthei veivak chungchangah khauh lehzualin hma an la \hin tih sawiin, hei hi mipui vantlang \hat tlanna tur a nih tih hre renga \awiawm thiam turin lirthei khalhtu zawng zawng leh mipuite chu a chah bawk.
    ZDU Sub-Hqrs. Serchhip Vice President, Pu S. Lalpianga kaihhruai he hunah hian Pu H. Lalhmingliana, District Transport Officer, Serchhip pawhin thu sawiin Dan zawm hi fimkhurna pawimawh ber a nih thu a sawi a. Tunlaia Signal light kan hmang diklo nasa lutuk chu chetsualna thlentu a nih theih thu te, lirthei khalh chunga Mobile Phone hman chu Dan in a phalloh thu leh man an nih chuan an licence cancel sak thlenga hrem theih an nih thu te, Motor Horn reng reng lawmthu sawina atana hman tur a nih loh thu leh emergency atan chauha hman tur a nih thu sawiin, lirthei khalhtute chu anmahni bakah midangte fimkhur kep turin a chah bawk. Road Safety Week hawnna ah hian Pu T. Rosiama, President, ZDU Sub-Hqrs. Serchhip chuan inlawmna thu a sawi a, he Hapta hi tun thla ni 9 thleng hman tur niin he Hapta hman chhung hian Serchhip Bazar leh Serchhip Sailiam Kawn-ah te ZDU hian Week Flag chu an zuar dawn a. Week Flag hi pakhat Rs. 20/- aia tlawmlo a lei sak \heuh turin lirthei khalhtute chu ngenin hemi rual hian lirthei khalhtute tana hriattur chi hrang hrang inziahna lehkha chu an sem nghal zel bawk a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »

Sawhthing leisa lilam tan

Zonuna Kawlni /
Image
Mizoram sawrkar in tunhnaia Serchhip District-a Sawhthing a lei te chu nimin khan a lei duhte tan lilam (auction) tan a ni ta a, nimin lam khan Sawhthing lilam hi chhang awm nghalin Vawiin hian chhan theih ala ni dawn a, chawhnu lamah a hmasa ber atan he an lilamna hi hawn a ni dawn nia thudawn a ni. Thudawn danin February 20 atanga Serchhip District-ah Sawhthing lei ah hian Serchhip SCC-ah kg. 110,419 buk a ni tawh a, East Lungdar SCC-ah kg. 75000 bukin Lungpho SCC-ah kg. 64086, North Vanlaiphai SCC-ah kg. 81,460, Chhingchhip SCC-ah kg. 89,047, Khawlailung SCC-ah kg. 112,052 leh Thenzawl SCC-ah kg. 112,895 buk a ni tawh a ni.
Kimchang zawkin »