NLUP sem chhunzawm dan tur sawihona neih a ni.

Nimin khan NLUP Line Department aiawhte leh NLUP Implementing Board (NIB) hotute chu \hukhawmin NLUP sem chhunzawm dan tur an sawiho.

He \hutkhawm NLUP Conference Hall-a neih hi NLUP Implementing Board Vice Chairman, Pu PL.Thanga chuan kaihruaiin NLUP hmalak tawhna te thlir hona leh NLUP kalpui zel dan tur thlirho a ni a. Assembly inthlanpui neih avanga NLUP sem mek tihtawp rih chu Chief Minister in ‘inthlan zawh veleh NLUP sem chhunzawm leh a ni ang’ tia a lo puan tawh bawhzui dan tur sawiho niin NLUP 2nd Phase beneficiary la pek tlak zawh loh te chu Village Level Monitoring Committee te, District Level Monitoring Committee emaw DC Office emaw a\anga pek tlak ni a ngaihte pek nghal an ni ang. Hei bakah hian Industry Department leh UD&PA hnuaia khawl chi hrang hrang dawng turte hi hman hmawh zawka sem chhuah nise tiin Village Level Monitoring Committee emaw, Line Department-a field staff emaw, DC office emaw a\anga pek tlaka ngaihte hnenah pek nghal tur an ti bawk. Hei bakah hian NLUP 3rd Phase leh 4th Phase beneficiary te chungchangah 1st installment-a sum pek tawh zat te, NLUP hlawhtlinpui tura hmalak mekna leh hmalak zelna atana sum mamawh zat te, leh NLUP Works Calendar-a sum pek dan tur ruahman sa te thlir chungin 2nd installment-a sum pek zat tur hi Line Department tin ten ruahmanna rawn siam sela, an siam peih veleh 3rd leh 4th Phase beneficiary te hnenah sum sem chhunzawm nise tiin an rel bawk a ni.