Meizuk khapna Dan bawhzui \ha

Mizoram State Tobacco Control Society (MSTCS) chuan nimin khan Aizawl-a I&PR Conference Hall-ah The Cigarettes & Other Tobacco Products Act, 2003 hnuaia Section 4 zawm dan (a \hat leh \hat loh) zirchianna an neih a\anga an thil hmuhchhuahte tarlanna hun an buatsaih.

He hun hi Dr. Lalbiakkima, Director, Hospital & Medical Education chuan kaihruaiin Dr. Jane Ralte, State Nodal Officer chuan tun \uma an zirchhiana a\anga zuk leh hmuam chungchang, Section 4 kaihhnawihte District hrang hrang in an zawm \hat dan leh thil hrang hrang an hmuhchhuahte a tarlang a. COTPA Section 4 zawm dan zirchianna hi kumin May leh June inkarah khan District hrang hranga hmun 860 te fangkualin neih a ni a, hetah hian puipunna hmuna meizu an awm leh awmloh bakah meizuk phalloh thu ziaka intar a awm dan te leh meizial bung a awm leh awmloh te thlenga enfiah a ni a. Kum 2009 a\anga chhut chuan COTPA Section 4 dan zawm hi a sang tawh viau in mipuiin an zawm \ha hle a, kumina zirchiana ah hian Serchhip, Mamit, Kolasib leh Cham-phai te chuan Section 4 hi an zawm \ha bik hle nia tarlan niin heng District pali (4) ah te hian an zirchian hun chung hian puipuina hmuna meizial zu (active smoking) hmuh tur an awm lo a ni.