Latest News

‘Kan mamawh tawk MLA min pe ang’ - Zoramthanga

MNF President Pu Zoramthanga chuan, “Pathian engkim tithei chuan kan mamawh tawk MLA min pe ang,” a ti.
He thu hi Zirtawpni kalta a Aizawl-a MNF Party Office, Mizo Hnam Run-a inkhawm neih ah sawiin Pu Zoramthanga chuan Assembly inthlanpui neih zawh takah MDA boruak a \ha em em tih sawiin, “Theihtawp kan chhuah a, Pathian engkim tithei chuan kan mamawh tawk MLA min pe ang. Kum 1998 Election-ah MPC nena \angdun thawhhonah MLA 34 min pe a, kum 2008 -ah MDF nena \angdun MLA 4 min pe leh mai a, tunah pawh kan mamawh tawk Pathian hian min pe leh ang,” a ti a. Inthlanna tluang taka neih a ni chu lawmawm a tih thu sawiin, inthlanna buaipuitu zawng zawngte, Mizoram Democratic Alliance (MDA) hnathawktu zawng zawng \hahnemngai taka theihtawp chhuahtute chungah lawmthu a sawi a, ‘Ram leilung hausakna te haichhuak a, kan ram leilung a\ang ngeia Mizo mipuite eibar tur hnianghnar kan neih theihna turin Pathian-in malsawmna maicham a rawn chawi hniam dawn a, Mizo Hnahthlak zawng zawng te ban phaka siam turin hna kan thawk dawn a ni. Pathian engkim tithei kan nei a, Ani chuan kan mamawh tawk MLA min pek ngei kan beisei a, chumi tur atan chuan ka \awng\ai \hin a ni,’ a ti bawk. Hei bakah hian Pu Zoramthanga chuan “MNF hi kan Pasal\hate thisena bual thianghlim a ni a, chauh chang leh tlakhniam chang nei mahse a tho leh \hin ang,’ tiin Mizo Hnam awmchhung chu MNF hi a awm reng ang, a ti bawk.

Comments

Popular News (Last 30 Days)