District hrang hrangah Vote chhiar dan tur ruahman fel a ni.

Assembly inthlanpui neih zawh taka vote tla te chu karleh Thawh\anni, Dec. 9, 2013 zing dar 8:00 a\ang khian District hrang hrangah chhiar a ni dawn ta a, hemi atan hian ruahmanna pawh peihfel thawkhat a ni tawh a ni.

Saiha District-a Saiha leh Palak biala vote tla chhiar nan DC Office-ah Counting Centre siamin hetah hian Counting Table 6 dah a ni anga, Saiha bial chhiar hmasak a ni ang. Lawngtlai District-ah chuan DC Conference Hall leh BNRGSK Hall-ah Counting Centre siamin Counting Table 10 ve ve dah a ni dawn a, Tuichawng bial chhiar hmasa berin Lawngtlai West leh Lawngtlai East ten an dawt dawn a ni. Assembly bial 7 awmna Lunglei District-ah chuan Coungting Hall pahnih, Saikuti Hall-ah ve ve siam niin South Tuipui, Lunglei North, Lunglei East, Lunglei West, Lunglei South, Thorang leh West Tuipui te a tahtawla chhiar a ni dawn a ni. Serchhip-a Assembly bial thum te chu Counting Centre hrang \heuh ah chhiar a ni dawn a, Centre tinah hian table 8 zel dah a ni ang.
    Assembly bial 5 awmna Champhai District-ah chuan Counting Centre pahnih DC Office-ah siam a ni a, Counting Table 8 ve ve dahin Counting Centre pakhat zawkah Lengteng leh Tuichang biala vote tla te chhiarin Centre dangah hian Champhai North, Champhai South leh East Tuipui biala vote tla te chhiar a ni thung ang. Assembly bial 3 awmna Kolasib District-ah chuan Revenue Office-ah Counting Hall siam niin hetah hian Counting Table 12 dah a ni dawn a, Tuirial, Kolasib leh Serlui te a intahtawla chhiar a ni ang. Assembly bial 3 bawk awmna Mamit-ah chuan DC Conference Hall-a Counting Centre siamin Counting Table 8 dah a ni dawn a, bial No. indawtin Hachhek, Dampa leh Mamit te chhiar a ni dawn a ni. Aizawl District chhunga Assembly bial 14-a vote tla te chu Pachhunga University College-a Counting Centre-ah chhiar a ni anga, Counting Centre hi pathum ruahmanin Centre pahnih ah hian Dawhkan 10 dahin pakhat-ah erawh chuan Dawhkan 8 dah a ni dawn thung a, bial No. indawtin chhiar a ni dawn bawk a ni.