Central YMA in Krismas leh kumthar Thuchah siam

CENTRAL YOUNG MIZO ASSOCIATION
MIZORAM : AIZAWL

KRISMAS LEH KUMTHAR THUCHAH

    Kristiante hunpui Krismas leh Kumthar lo thleng tur hi, hlim leh lawm taka hman a nih theih nan, Central YMA chuan mi zawng zawngte hnenah duhsakna chibai kan buk a che u. He hun pawimawh tak hi mi tinin thlamuang leh hlim taka hman a nih theih nan, a hnuaia hmalakna tur tarlante hi Branch tinin bawhzui turin kan ngen a ni.

1.    Krismas leh Kumthar hi mi tinin hlim leh lawm taka hman a nih \heuh theih nan veng chhungah mi harsa, damlo leh mulum zo lo an awm em? tih dapchhuakin chutiang mi an awm a nih chuan a theih leh remchang anga chhawmdawla \anpui ni se.

2.    He hunpui hi thlahlel taka mi tinin kan nghah \heuh a nih avangin mi dangte tana tawrhna thlen thei, Silai lem (Inhliam theihnate), mite tithlabar theitu Halpuah chi hrang hrangte zuar lo tur leh lei lo turin mi zawng zawng kan ngen a ni.

3.    He hunpui hi \halai leh rawlthar ten nunkawng sual an chhar thar hun lai leh kawng \halo pawh an zawh tan hun a nih \hin vangin, Puitling tel lovin zanah naupang khawlai ah vah chhuah tir loh nise. Naupangte thlahthlam lo turin chhungtinte kan ngen a ni.

4.    Boruak muanawm tak hnuaiah he hunpui hi kan hman \heuh theih nan Branch tinin mahni huamchhungah Duty insiamin mi \ha leh pawisawilote rilru tina lo zawnga hawihhawmna lantir chungin neih nise. YMA Kumpuan Ram leh Hnam Humhalh bawhzui zelin Mimal, chhungkua leh khawtlang tibuaitu te a bikin Ruihhlo khuah-khirhna kawngah theihtawpa hma la turin Branch-tinte kan ngen a ni.

5.    YMA duhdan leh beiseinate hi a hlawhtlin theih nan Sorkar, Tlawmngai Pawl, Kohhran hrang hrang leh mipuite \awiawmna kan ngen a ni.


Issued by : Central Young Mizo Association, Mizoram, Aizawl.