BPL chhungkua ten eizawnna an neih theih nan SJSRY hnuaiah training zawhfel leh a ni.

SJSRY hnuaia Serchhip District chhunga BPL chhungkua ten eizawnna nghet an neih theihna tura training chhuak mi 65 te hnenah nimin khan Certificate leh hmanrua sem an ni.

Sorkar laipui in BPL chhungkua te ham\hatna leh chawikanna tura ruahmanna a siam, Swarna Jayanti Shahari Rozgar Yojana (SJSRY) hnuaia STEP-UP hmanga Serchhip khawpui chhunga BPL chhungkua ten eizawnna nghet an neih theihna tura training chhuak te hnena Certificate leh hmanrua semna hun hi nimin chawhnu khan Serchhip Hmar Veng YMA Hall-ah neih a ni a, he hun hi Pu ST. Lalhmingmawia, District Project Officer, SJSRY chuan kaihruaiin he hun hmanpuitu District Bawrhsap, Pi Juhi Mukherjee chuan pianpui finna Pathian in min pek belhchhahna tura mi heti zatin training \ha taka an zo leh hemi atana DLAO leh a Staff te inpekna chu lawmawm a tih thu sawiin, heng an training-na a an zirchhuah te hi eizawnna leh chhungkaw chawmna atana hman tum turin a chah a, SJSRY hnuaiah hian eizawnna siamna atan Bank Loan te pawh lak theih a nih thu sawiin, Mizo thufing in ‘Lawm tha leh saihlum a nget ngailo’ a tih angin an Loan lak erawh rulh leh tur a ni tih hre reng turin he huna kalkhawmte chu a chah bawk a ni.
    Shahari Rozgar Yojana (SJSRY) hnuaia STEP-UP hmang hian Serchhip District chhunga BPL chhungkua eizawnna ngelnghet neilo ten eizawnna nghet an neih theih nan hian training hi \umthum buatsaih ni tawhin tun \uma training chhuak te hi a \um li-na a training te an ni a, tun \umah hian Puan\hui hmun 4-ah mi 36 ten zirin Furniture Workshop 5 ah mi 12 ten training an nei bawk a, kutthemthiam zirna ah mi 14, an vaiin mi 65 ten training hi thla 6 leh thla thum chhung neih a ni a, heng trainees te hi thlatin stipend Rs. 500/- zel pek tur niin hei hi pe lovin puan\hui zir te hi Puan\huina khawl lei sak an ni a, Furniture lama training te hi Electric Planer (Randa) leh Design khawl (Router) lei sak an ni bawk a, kutthemthiam zir te erawh hi chu stipend hi pek an ni thung a ni. Hetianga khawl lei sak an nih chhan hi an thil zir te a nihna tur ang taka an hman \angkai theih nana ti an nih thu DPO, SJSRY chuan a sawi bawk a ni. Serchhip-ah hian SJSRY hnuaiah Tailoring-ah mi 99, Furniture-ah mi 33 leh Handicraft-ah mi 21 ten training hi an zofel tawh a ni.