Latest News

Assam Rifles ten an ram chhuahsan vek loh tum.

Aizawl-a Assam Rifles ten an ram \henkhat chauh chhuahsan an tum laiin a zavaia Zokhawsang a insawnchhuak turin sorkar lam chuan a ti thung.
Assam Rifles in Mizoram sorkara rawtna a thlen ah chuan an zavaia chhuak vek lovin an hmunhma \henkhat Khatla a HQ 23 Sector ram, 95.88 acres a zau; Tuikhuahtlanga DIG chenna, 0.850 acres a zau; Tuikual-a Commandant chenna Loch House, 1.1 acres; Quarter Guard tlang, 14.5 acres leh War memorial, 0.78 acres a zau te chu an la luah zui ang a. AR ten an luah mek an firing range Dhobi Nallah (62 acres), Biakin awmna hmun (0.63 acres), Babu Tilla (0.6 acres) leh Football ground te chu zawi zawiin Mizoram sorkar kutah an hlan ang tih a ni. Hetihlai hian Mizoram sorkar in AR chhuahsan ram hman \angkai dan ngaihtuahtu tur Advisory Committee a din a member pakhat H. Raltawna IAS (rtd) chuan, "AR te hi an vaia chhuak tura ngaih an ni a, mahse an hmun \henkhat hi 'kan lo enkawl zui rih ang e' an ti a, sorkar thu thu a ni kan ti a. An chhuahsan tur ram hman \angkai dan turah Master Plan siam \ha kan ti a, hemi ti tur hian firm 2 in an dil a, \angkai taka hman kan tum a ni," a ti.

Comments

Popular News (Last 30 Days)