Aizawl District-a hmun hlauhawm tarlanna lehkhabu tlangzarh.

Chhiatrupna thlen thulha chet lak dan ruahmanna bu ‘State Disaster Management Plan’ leh Aizawl District huam chhunga hmun hrang hrangte him leh himlo leh chung hmun te derthawn dan zirchianna map bu ‘Hazard Risk & Vulnerability Analysis of Aizawl District’ chu nimin khan tlangzarh a ni.

He Map bu tlangzarhna inkhawm hi Disaster Management & Rehabilitation Department buatsaihin Secretariat Conference Hall-ah neih a ni a, Pu PC. Lallawmsanga, IPS, Principal Secretary, DM&R chuan heng lehkhabu te hi tlangzarhin National Disaster Management Authority (NDMA)-in a phut ang State Disaster Management Plan nei thei tlemte zingah Mizoram kan tle ve chu lawmawm a tih thu a sawi a. Tunhma chuan chhiatrupna a thlen hnua chet lak dan leh chhawmdawlna dah pawimawh a ni \hin a nih thu sawiin, mahse tunah chuan chhiatrupna thleng thei laka inven dan leh hemi lama inzirtirna a pawimawhzia leh a \ul zia hriain, Sorkar pawhin chu chu ngai pawimawh in hma a lak chhoh mek zel thu a sawi bawk.