Tuikuk Hel nia hriat ten mi 3 an rukbo chhuah turin pawl hrang hrangin in nawr mek.

Tun thla ni 23 zana Mizoram khawthlang lam Damparengpui leh Rajiv Nagar inkar Chikha Anti Poaching camp hlui bula mi pathum rukbo chu pawl hrang hrangin an demthu sawiin, MZP chuan he thil thleng vang hian ‘Remna kawngzawh’ neih an rel bawk.

Tun thla ni 23 zan dar 9:00 vela Damparengpui leh Rajiv Nagar inkar Chikha Anti Poaching camp hlui bula mi pathum- Pu Sanglianthanga s/o Vanlalhmuaka Taxi driver, Mamit leh Pu Lalzamliana s/o Buanga Pik-up driver, Zuangtui Muanna Veng Aizawl leh hnamdang Deep Mondal s/o Nikil Mondal Airtel hnathawk lai Tuikuk hel ni a rin ten an rukbo chungchangah hian MZP Gen. Hqrs. Executive chuan nimin khan \hutkhawm neiin heng mi 3 te rubo tu ten rukbo te tlanna tur sum an phut a nih pawhin engti kawng mah a pe lo turin sorkar chu an ngen nawn leh a, heng mi 3 te rubotute hian Dec. 4, 2013 hma ngeia an mi rukbo te an chhuahlo a nih chuan 5th Dec. 2013-ah rukbo te chhuah tura phutna atan ke-a kal a ‘Remna kawng zawh’ Aizawl a\anga Tuipuibari thleng neih nise an ti bawk.
    Hetihlai hian Mamit Sub-Hqrs. YMA chuan thuchhuah siamin an ngenna ngai pawi-mawha he inrukbona vanga chetchhuah mai inpeih Mizo \halaite an la in sum hram hram thei chu lawmawm an tih thu tarlangin, heng mite rubotu hi sorkar in a hria a nih chuan mipui hriat tura puang vat tura an phut thu an tarlang a. Misual ten sum hmuhna remchang atana Mizoram chhunga mi an rubo fo chu an dem tak zet tih tarlangin, Damparengpui leh Tuipuibari inkar, misualte tana chet lakna khan remchang tak Chikha peng-ah hian sorkarin Security Post a rang thei ang berin dah se an duh thu an tarlang bawk. Hetihlai hian Bru Student Assocition Sub-Hqrs. Mamit pawhin thuchhuah siamin National Liberation Front of Tripura(NLFT) ten state pela, Mizoram mi leh sa dik tak vawi tam tak an rubo \hin chu an duhloh thu leh an dem tak zet tih tih tarlangin, heng mi an rukbo te hi him taka chhuah tura an phut thu an tarlang a, an mi hren te hi chhuah an nih loh chuan a \ul anga hma an lak zel tur thu an tarlang bawk.