Sorkar siam theih inbeisei thu sawi \heuh

Mizoram Legislative Assembly inthlanpui atan vote thlak zawhfel a ni ta a, Mizoram-a Party lian pali (4) President te chuan sorkar thar siam ngei an in beisei thu an sawi \heuh a ni.

MPCC President Pu Lal Thanhawla, Chief Minister ni bawk chuan Congress Party Candidate te chu thlantlin an ni leh dawn niin a sawi a, mipuite hma-sawnna atana hmachhawp an neih te chu an chhunzawm leh theih nan mipui ten an vote nawn leh ngei nia a hriat thu a sawi bawk. MNF President Pu Zoramthanga, East Tuipui biala MNF candidate chuan a dinna bial pumpui thu ngaihtuahin a tira MNF party a chhiat aiin campaign boruak a \ha chho leh ta niin a sawi a, a dinna East Tuipui bialah chuan amah hnaih bertu Candidate chu vote 300 leh 400 inkarin a hneh a beisei thu a sawi a, Zoram pumpuiah pawh sorkarna chang thei turah an inngai niin a sawi bawk. ZNP President, Lalduhoma pawhiin ZNP chu an sorkar ngei dawn nia a rin thu a sawi a, hel pawl nena thawkhova puhna chu thu diklo a ni tih sawiin, englai mahin helpawl an thawhpui ve ngailo tih a sawi bawk. MPC President, Lalhmangaiha Sailo chuan MNF nen an thawhdunna chu a \ha tih sawiin, Mizoram Democratic Alliance chuan sorkar a siam ngei dawn niin a sawi bawk.