Latest News

Faina-ah hmalakna kalpui

Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.

Serchhip news tawi :

Bike pakhat kang

@@ Zirtawp zan dar 9:00 leh 9:30 inkar vel khan Serchhip Chhim Veng-a Pu Vanlalrema Bike (Achiever) an chenna In kawt-a a dah chu a kang a, he Bike-a Petrol an dah chu mi tute emaw in ruk tumin hetah hian an tikang ta nia rin a ni a, a bul maiah hian Petrol an lak tawhna bur ni awm tak pawh hmuh a ni. He Bike hi a kang chhe viau a, he thil thleng chungchangah hian Ser-chhip Police Station-ah FIR theh-luh niin Police ten a chhui hna an thawk mek a ni.

Buk tlinglo a sa zuar man
@@Serchhip-a Legal Metrology leh Police te chuan tun Inrinni khan Serchhip Bazar-ah buk tlinglo Vawksa zuar mi 3 an man nia thudawn a ni a, Vawiin hian Legal metrolody Department Office-ah koh an ni. Vawksa Kg. khat anga buk chu gram 800 velin an hralhchhuak nia thudawn a ni.

Comments

Popular News (Last 30 Days)