Serchhip-ah SVEEP Rally neih a ni

Inrinni zing khan Serchhip Bazar-ah vote thlak uar tura infuihna, SVEEP Rally neih a ni.

Assembly inthlan neih tura vote nei thei te vote thlak \heuh tura inzirtirna hun, SVEEP Rally-ah hian District Election Oficer leh District Bawrhsap ni bawk, Pi Juhi Mukherjee chuan Serchhip District chu rampuma ziak leh chhiar thiam tam berna District a nih thu sawiin, hei bakah hian India rama vote tlak \hatna ber ni tura \an lak a nih thu sawiin, he an hmalakna hi a hlawhtlin theihna turin mipuite chu vote thlak ngai pawimawh turin a chah bawk. He hunah hian Addl. DC Pu Lalsangliana pawhin thu sawiin, ramdang mi ten Mizoram-a vote nei tura theihtawpa \an an lak reng thu sawiin, hetihlai hian vote nei tawh sa ten vote neih hlutzia kan hriat a, kim taka vote thlak \heuh chu kan mawhphurhna a nih thu a sawi bawk. He hunah hian ‘Vote thlak hi kan
mawhphurhna’ tih thupui hmanga Essay inziahsiak lawmman chu District Bawrhsap hian a sem nghal a, he huna tel te hnenah hian Lukhum sem  a ni bawk a ni.