Postal Ballot 795 thawnchhuak tawh

Assembly inthlanpui neih tur atan nimin tlai dar 4:00 thleng khan Serchhip District Election Office a\ang Postal Ballot 795 thawnchhuah ni tawhin; Postal Ballot 3 a rawn kir tawh.

Hemi chungchanga sorkar thuchhuah tarlan danin Postal Ballot te hi Serchhip District chhunga Assembly Constituency pathum a sipai hmundanga awm (service voters) te leh inthlan buaipuitu official (official on duty) an vote neihna Constituency a vote thlak tura kal remchang hman lo te tana ruahman a nih thu tarlangin, 26-Serchhip (ST) AC-ah Service Voters 132 leh Official on Duty 279, a vaiin Postal Ballot 411 thawnchhuah a ni a, 27-Tuikum (ST) AC-ah Service Voters 98 leh Official on Duty 100, a vaiin Postal Ballot 198 thawnchhuah a ni a, 28-Hrangturzo (ST) AC-ah Service Voters 97 leh Official on Duty 89, a vaiin Postal Ballot 186 thawn-chhuah a ni bawk a. Heti hian Serchhip District pumah hian Service Voters 327 leh Official on Duty 468, a vaiin Postal Ballot 795 thawnchhuah a ni. Nimin tlai thlenga Postal Ballot rawn let tawh pathum hi 26-Serchhip (ST) Assembly Constituency ami vek an ni a, Strong Room-ah venhimna khauh tak hnuaiah dahluh nghal an ni.