MPC |halai hruaitute MPC a\angin an chhuak.

MPC Youth General Hqrs. Vice President leh General Secretary zawng zawng te chuan an party an chhuahsan tih an sawi.

Nimin khan Aizawl Press Club a thuthar lakhawmtute kawmin MPYC Vice President nilai Pu Lalliankhuma chuan MPC party chu mi \henkhat MLA nih duh vang ringawt a hralh ani tih a sawi a, bial him a ngaih President bial nilai pawh MNF ngam lovin hralh a ni ta nia sawiin, hemi avang hian an party President Pu Lalhmangaiha ngei pawh lungawi lo, lungawilo hleitheilo dinhmunah a awm tih a sawi a, hetiang bawk hian an \halai President Pu Zaithanzaua pawh a awm tih an sawi bawk. Hei bakah hian Pu Lalliankhuma chuan MPC party in an lo vahvaih pui Six Basic needs chu MPC party a\anga thawhchhuah pui theih ani tawh lova an ngaih thu pawh sawiin, nakum a\ang chuan MPC party chu ral zui thei dinhmuna awma an hmuh avanga Lawng pil hma a chhuak an nih tih a sawi a, an party bial him pawh ui bet ngam lovin MPC party chu a zawr chiang hle a ni, an ti. MPC \halai hruaitu bangta te hian tun\um inthlanah \halai hruaitu a\anga Candidate neih ve ngei \ha an tih thu leh hemi tih hlawhtlin ani lo hi \ha an ti lo hle tih an sawi a, MNF nena thawhhona chu awmzia awm dawn chuang lova an ngaih thu leh Core Committee a an thawhpui ten MNF MLA 31 te hi sorkar siam nan chuan an tawk tih hria a, MPC candidate te tling turin MNF te chuan an vote pui dawn chuanga an hriat loh thu an sawi ani.