Hlamzuih tihbo dan tur ruahmanna Synod in pawm.

Mizoram Presbyterian Kohhran thuneitu sang ber dawttu Synod Executive Committee (SEC) vawi 247-na \hukhawm chuan Hlamzuih tihbo dan tur ruahmanna chu a pawm.

Hlamzuih tihbo dan tur chungchang hi nikum lamah khan Synod khawmpui in a lo ngaihtuah tawh a. Kohhran mal thutlukna maia kalpui chi-a an ngaih loh avangin kumin August ni 20 khan Synod Puipate’n hemi chungchanga inrawnkhawmna buatsaihin Kohhran hrang hrang leh tlawmngai pawl leh pawl dangte sawmin sawiho a ni a. Presbyterian Kohhran hian bawhzui zelin SEC hian a pawm ta a ni. SEC hian thil chi hrang hrang 60 zet a ngaihtuah zingah Executive Secretary \ang lai Rev. Vanlalzuata chu a pension kum a lo thlen dawn tak avangin Executive Secretary thar pakhat thlan a ni a, Moderator ni lai mek Rev. Lalramliana Pachuau, chu thlan a ni a, Synod-ah thlen a ni ang a, an hna chanpual tur te pawh la siam rem a ni ang. Synod Pay Commission-in thawktute hlawh bi siam\hatna atan rawtna a thlen chu siam\hat ngai te siam \hain Synod-a thlen tura pawm a ni bawk. SEC \hukhawm hi Rev. Lalramliana Pachuau, Synod Moderator-in a kaihruai a, Rev. H. Lalrinmawia, Synod Secretary-in reports a pe a, tuna an \hutkhawm hi Synod 2013 atana inbuatsaihna a ni a, tun lo hi November 27-28 chhung a \hu leh ang.