Latest News

RTI Hapta hawnna inkhawm Aizawl-ah neih a ni.

Mizoram State Information Commission leh Information & Public Relations Department buatsaih, RTI Hapta chu nimin khan Aizawl Vanapa Hall-ah Chief Information Commissioner Pu Lal Dingliana IFS (Rtd.) chuan a hawng.
He hapta hi Sorkar laipuiin mipuiten RTI an lo hmelhriat belh a, an hman tangkai zual theih nan leh, sorkar inrelbawl dan a lo fel zual theih nan kum tin hman ni se, ti a a lo rel tawh ang a kalpui a ni a, he Hapta hi October ni 5 a\anga ni 12 thleng huap tur a ni a, amaherawhchu Sorkar pisa khar ni, Inrinni leh Chawlhni in a nan vangin Mizoram-ah chuan ni 7 a\anga hman \an a ni ta a ni. RTI Hapta hawnna inkhawmah hian Chief Information Commissioner chuan Mizorama RTI dan kalpui a nih dan te sawiin, RTI hi mipuite tana siam a nih angin \angkai lehzual a hman nachang hre turin mipuite a chah bawk. He hunah hian mipuiten RTI chungchanga zawhfiah duh an neih te inzawhfiahna hun hman a ni bawk a ni.

Comments

Popular News (Last 30 Days)