MSU leh Election thuneitute inbiakna hlawhchham rih

Mizo Students’ Union (MSU) General Headquarters in Election Commission of India leh Chief Electoral Officer, Mizoram hnena lehkha an thawn hnu-ah Jt. CEO, H Lalengmawia chuan MSU hruaitute chu inrinni khan a office-ah kawmin Mizoram Tuikuk, Mizoram pawna vote thlaktir lo tura MSU ngenna chungchang an sawiho.

MSU chuan Election lam hotuten tluang taka inthlanna kaltir tura an ngenna chu tihhhlawhtlin harsa an tih thu an hrilh. MSU hruaitute hnenah hian Mizoram Election hotute chuan tun ang inthlan hnai tawhah chuan thil siamthat a harsat tawh avangin, inthlanna tluang taka kaltlangtir turin an ngen a. Hei hi MSU chuan zahawm ti hle mahse, ram leh hnam kal zel tur thlir chungin MSU chuan Mizoram Election hotute ngenna chu tihhlawhtlin harsa a ti a ni, an ti a. "Chief Election Commissioner, Election Commission of India hnena ngenna an lo thlen tawh angin, MSU ngenna a hlawhtling lo a nih chuan Tuikuk ten Mizoram pawnah vote an thlak loh nan a tul angin hma a la dawn a, a tawp thlengin a dodal dawn a ni," an ti.