Latest News

Mizoramah HIV positive mi 8,650 hmuchhuah an ni tawh

Kumin March thla thleng khan Mizoramah HIV positive mi 8,650 hmuchhuah tawh niin thisen test atanga chhutin a percent a sanmg hle.  
Nimin khan MSACS Project Director Dr. Lalmalsawmi Sailo chuan a Office-ah thuthar lakhawmtute kawmin an hmalakna hrang hrang sawifiahin, HIV/AIDS darh zel tur venna kawngah thawhhona tha neih a pawimawh hle a, tleirawl nun kawng kaihruai tur-in tunah hian adoles-cense education programme kalpui tura hmalak mek a ni tih a sawi.  Adolescense education programme (AEP) atana ruahmanna chu kum 2001 atang khan school aids education program-me tia vuahin MSACS leh SCERT tangkawp chuan school naupang HIV/AIDS laka an him theih nan leh nunphung hriselna an neih theih nan high school leh higher secondary school zirlaite hnenah co-currilcular activities angin kalpui a ni tih a sawi a, he hmalakna hi chak zawk a kalpui zel tum a ni tiin Dr. Malsawmi chuan a sawi.  AEP toolkit thar chungchang sawi belhin, kum 2008 khan NACO atangin MSACS in a dawng a, he toolkit thar hi state core committee meeting Aug 19, 2008 a neihin a rem tih ang leh NACO beisei angin, kan state mamawh leh mil tura her danglam a, committee in a pawmpui hnuah mizo tawnga leh-lin a ni ta a ni a ti.   Dr. Malsawmi chuan, condom hi Mizo soceity in kan la pawm tawk lo nia a hriat thu a sawi a, HIV/AIDS chungchangah hian inzirtirna nasa takin neih lo ni tawh mahse hma nasa zawka lak kan la mamawh hle nia a ngaih thu a sawi bawk. Dr.Lalmalsawmi Sailo chuan tunlaiah school uniform ha chunga rai lo tura indanna PILSS lei ngam an tam tawh thu sawiin hengte hian rai pumpelh chiah an ngaihtuiah a, mipat hmeichhiatna in a ken tel natna lam an ngaihthah leh si niin a sawi a. Mizote zingah HIV/AIDS kai tamna ber chu mipat hmeichhiatna atangin a nih thu sawiin High risk group kan tihte zingah kai thar punna a tlanhniam tawh a, HIV kai hlauhawm nia ngaihte zingah aiin mipui nawlpuiah kai thar an pung a, mipui nawlpuiah a darh chak tawh zawk a ni, a ti. HIV positive ten treatment an lak chungchang- ah tun aia tan lak a ngaih thu sawiin Dr. Malsawmi chuan, HIV positive te hian an vei tih an hriat tirhin treatment la tha viau mahse rei tak lak an peih lo thin a, treatment mumal taka lak chu an hriselna atan a pawi-mawh zia an hriat thar leh a tul hle nia a ngaih thu a sawi

Comments

Popular News (Last 30 Days)