Serchhip District-a a hmasa ber atan Lok Adalat \hutkhawm chu niminpiah khan neih a ni a, he hunah hian thubuai (case) paruk ngaihtuah tura chhawpchhuah a ni.
Serchhip District Legal Services Authority (SDLSA) hmalaknaa Serchhip District Judicial Magistrate Pi Lalrochami Ralte, MJS office chamber a Lok Adalat \hutkhawma thubuai ngaihtuahte hi leiba in \hinna leh inpuhhmingchhiatna (facebook a intihhmingchhiatna thubuai pawh a tel) chungchang te a ni deuh ber a, heng thubuai te hi District chhung khaw hrang hrang panga - Serchhip, East Lungdar, Thenzawl, Sialsir leh Sailulak a\anga lut a ni. He hunah hian Pi Lalrochami, MJS, Secretary, SDLSA, chuan Serchhip District-ah hian Ukil an awm loh avangin Aizawl District Legal Services Authority nen \angkawpin November, 2013 a\angin mirethei thubuai nei, ukil rawihna tur neilo ten a thlawna Ukil an rawih theihna tur dap mek anih thu leh, hemi atan hian Aizawl lam a\anga Ukil chah chhoh sak dan tur ruahmanna kalpui mek a nih thu a sawi a; Serchhip District chhungah Legal Awareness Campaign hmun ruk ah neih anih tawh thu leh Legal Aid Clinic hmun hnih ah hawn anih tawh thu te, Para-Legal Volunters Training hmun hnihah neih anih tawh thu te a sawi bawk. Serchhip District Lok Adalat-ah hian member pali (4) an awm a ni. Ruahman lawk dan chuan Lok Adalat \hutkhawm vawi 2-na hi Nov. 23, 2013 a neih leh tum a ni.
Comments
Post a Comment